ಖೊಡಾಲಾವು ಸಮುದ್ರ ಮಟ್ಟದಿಂದ ಸುಮಾರು 1800 ಅಡಿ ಎತ್ತರವಿರುವ ಒಂದು ಪುಟ್ಟ ಹಳ್ಳಿ. ಮಹಾರಾಷ್ಟ್ರ ಥಾಣೆ ಜಿಲ್ಲೆಯಲ್ಲಿ ಈ ಹಳ್ಳಿಯಿದೆ.ಇಲ್ಲಿನ ವೈತರಣಿ ನದಿ, ಇಗತ್ಪುರಿ-ಕಸಾರಾ ಘಾಟ್‌ ಮತ್ತು ತ್ರಿಂಗಲವಾಡಿ ಕೋಟೆಯಿಂದಾಗಿ ಖೊಡಾಲಾ ಅತ್ಯಂತ ಜನಪ್ರಿಯವಾಗಿದೆ.

ನಿಸರ್ಗದ ಅದ್ಭುತ

ಖೊಡಾಲಾ ದಟ್ಟ ಅರಣ್ಯದ ಪ್ರದೇಶ. ಹಿಂಬದಿಯಲ್ಲಿ ದೊಡ್ಡ ದೊಡ್ಡ ಪರ್ವತಗಳು. ಇವೆರಡೂ ಚಾರಣಿಗರನ್ನು ಕೈಬೀಸಿ ಕರೆಯುತ್ತವೆ. ಖೊಡಾಲಾದ ನಿಸರ್ಗ ಸಂಪತ್ತು ಪ್ರವಾಸಿಗರಿಗೆ ಅತ್ಯಂತ ಆಕರ್ಷಣೀಯವಾಗಿದೆ.

ಮುಂಬೈ ಮತ್ತು ಪುಣೆಯ ಸಮೀಪದಲ್ಲೆ ಇದ್ದರೂ ಖೊಡಾಲಾ ಅತ್ಯಂತ ಜನಪ್ರಿಯವೇನಲ್ಲ. ಸ್ಥಳೀಯ ಬುಡಕಟ್ಟು ಜನಾಂಗದವರು ಇಂದಿಗೂ ಇಲ್ಲಿ ತಮ್ಮ ವಿಶಿಷ್ಟ ಸಂಪ್ರದಾಯಗಳನ್ನು ಆಚರಿಸುತ್ತಾರೆ. ತಾಂತ್ರಿಕತೆ, ಆಧುನಿಕತೆಯ ಸ್ಪರ್ಶವಿಲ್ಲದ ಮೂಲ ಸಂಪ್ರದಾಯಗಳು ಭಾರತದಲ್ಲಿ ಇಂದಿಗೂ ಉಳಿದುಕೊಂಡಿರುವದಕ್ಕೆ ಸಾಕ್ಷಿ ಇಲ್ಲಿದೆ. ಅವರ ನಿತ್ಯದ ಬದುಕಿನಲ್ಲಿ ಜಾನಪದ ಹಾಡುಗಳು ಮತ್ತು ನೃತ್ಯವೂ ಕೂಡಾ ಒಂದು. ಹಾಗೆಯೆ ಅವರ ಉಡುಪಿನ ಶೈಲಿಯೂ ಅತ್ಯಂತ ವಿಶಿಷ್ಟ.

ಇಲ್ಲಿ ಕಂಡುಬಂದಿರುವ ಪ್ರಮುಖ ಆಕರ್ಷಣೆಗಳು

ಖೊಡಾಲಾ ಚಾರಣಿಗರ ಸ್ವರ್ಗ. ಚಾರಣಕ್ಕೆ ಮತ್ತು ಪರ್ವತ ಏರುವುದಕ್ಕೆ ಹಲವು ಅವಕಾಶಗಳನ್ನು ಇದು ನೀಡುತ್ತದೆ. ಅಮಲ ವನ್ಯಧಾಮವು ಸರಿಸೃಪಗಳ ಮತ್ತು ಇತರ ಪ್ರಮುಖ ಪ್ರಾಣಿ ಪಕ್ಷಿಗಳ ಆವಾಸ ಸ್ಥಾನವಾಗಿದೆ. ಇಲ್ಲಿನ ಸಸ್ಯಗಳ ಪ್ರಭೇದವು ಅತ್ಯಂತ ವಿಶಿಷ್ಟವಾದದ್ದು. ಜೊತೆಗೆ ಇಲ್ಲಿನ ಮರಗಳ ಮೇಲೆ ವಾಸಿಸುವ ವಲಸೆ ಹಕ್ಕಿಗಳದ್ದಂತೂ ಇತಿಹಾಸವೆ ಇದೆ.

ಖೊಡಾಲಾದ ಚಳಿಗಾಲವು ಪ್ರಶಾಂತವಾದ, ಸುಂದರ ವಾತಾವರಣವನ್ನು ಒದಗಿಸುತ್ತದೆ. ಮಳೆಗಾಲದ ನಂತರದ ಅವಧಿಯಲ್ಲಿ ಇಲ್ಲಿಗೆ ಬಂದರೆ ಸೊಗಸಾದ ಪ್ರವಾಸ ನಿಮ್ಮದಾಗುತ್ತದೆ. ಇನ್ನು, ಬುಡಕಟ್ಟು ಜನಾಂಗದ ಹಬ್ಬವಿದ್ದ ಸಮಯದಲ್ಲಿ ಬಂದರೆ ಇಲ್ಲಿನ ಜನರ ವಿಶಿಷ್ಟ ಸಂಪ್ರದಾಯಗಳನ್ನು ಗಮನಿಸಬಹುದು.

ಖೊಡಾಲಾಗೆ ವಿಮಾನ, ರೈಲು ಮತ್ತು ರಸ್ತೆಯ ಮೂಲಕ ತಲುಪಬಹುದು. ಛತ್ರಪತಿ ಶಿವಾಜಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವು ಖೊಡಾಲಾಗೆ ಸಮೀಪದ ವಿಮಾನ ನಿಲ್ದಾಣ. ಮಹಾರಾಷ್ಟ್ರದ ಇತರೆ ಪ್ರಮುಖ ವಿಮಾನ ನಿಲ್ದಾಣಗಳಿಗೆ ಸಂಪರ್ಕವನ್ನು ಕಲ್ಪಿಸುತ್ತದೆ. ಇಗತ್ಪುರಿ ರೈಲು ನಿಲ್ದಾಣವು ಕೇವಲ 30 ಕಿ.ಮೀ ದೂರದಲ್ಲಿದೆ, ನೀವೇನಾದರೂ ಖೊಡಾಲಾದಿಂದ ಸುಮಾರು 450-500 ಕಿ.ಮೀ ದೂರದಲ್ಲಿದ್ದರೆ ಇಲ್ಲಿಗೆ ಡ್ರೈವ್‌ ಮಾಡಿಕೊಂಡು ಹೋಗುವುದು ಅತ್ಯಂತ ಖುಷಿಯ ಅನುಭವ.