ಡಕೊರ್ ಬಳಿಯಿರುವ ಬಿಲೋರ್ದ  ಹರಿ ಓಂ ಆಶ್ರಮ   ಯಾವಾಗಲೂ ಪ್ರಶಾಂತತೆಯಿಂದ ಕೂಡಿರುವಂತಹ ಆಶ್ರಮ. ಸುತ್ತಲೂ ಎತ್ತರವಾದ ಮರಗಳಿಂದ ಸುತ್ತುವರೆದಿರುವ ಈ ಆಶ್ರಮದಲ್ಲಿ ಚಿಕ್ಕ ಕೊಠಡಿಗಳನ್ನು ನಿರ್ಮಿಸಲಾಗಿದೆ. ಇವುಗಳಿಗೆ ಮೌನ ಮಂದಿರಗಳೆಂದು ಹೆಸರನ್ನೂ ನೀಡಲಾಗಿದೆ. ದೈನಂದಿನ ಜಂಜಾಟದಿಂದ ಬೇಸತ್ತ ಜನರು ಶಾಂತಿ ಅನ್ವೇಷಣೆಯಲ್ಲಿ ಜನರು ಸ್ವಯಂಪ್ರೇರಣೆಯಿಂದ ಇಲ್ಲಿಗೆ ಬಂದು  ಮೌನ ಮಂದಿರದಲ್ಲಿ  ವಿಶ್ರಾಂತಿ ಪಡೆಯಬಹುದು.

ಕೇವಲ  5 ರೂಪಾಯಿ ದೇಣಿಗೆ ಪಾವತಿಸಿದರೆ, ಆಶ್ರಮವು ಆಹಾರ ಮತ್ತು ಲಾಂಡ್ರಿ ಸೌಲಭ್ಯಗಳನ್ನು ನಿಮ್ಮ ವಿಶ್ರಾಂತಿಗೆ ಭಂಗಉಂಟಾಗದಂತೆ  ಕಿಟಕಿಯೊಂದರ ಮೂಲಕ ಕೊಠಡಿಗಳಿಗೆ ಒದಗಿಸುತ್ತದೆ.  ಪ್ರಸಿದ್ಧ ಗುಜರಾತಿ ಸಂತ ಪೂಜ್ಯ ಶ್ರೀ ಮೋಟಾ ಸ್ಥಾಪಿಸಿದ ಈ ಆಶ್ರಮವು ರಾಜ್ಯ ಸಾರಿಗೆ ಬಸ್ ನಿಲ್ದಾಣದಿಂದ ಕೇವಲ ಒಂದು ಕಿಲೋಮೀಟರ್ ದೂರದಲ್ಲಿದೆ.