ಶಾಂತಿನಾಥ್ ದೇವಾಲಯವು ಖಜುರಾಹೊದ ಪೂರ್ವ ಸಮೂಹದ ದೇವಾಲಯಗಳಲ್ಲಿ ಬರುವ ಪ್ರಸಿದ್ಧ ಜೈನ ದೇವಾಲಯವಾಗಿದೆ. ಈ ದೇವಾಲಯವು ಖಜುರಾಹೊದ ಇನ್ನಿತರ ಹಳೆಯ ದೇಗುಲಗಳನ್ನು ಹೋಲುವಂತಹ ರಚನೆಯನ್ನೆ ಹೊಂದಿದ್ದರೂ ಸಹ ಇದು ಈ ಸಮೂಹದಲ್ಲಿಯೇ ಹೊಸದಾಗಿ ನಿರ್ಮಿಸಲ್ಪಟ್ಟ ದೇವಾಲಯವಾಗಿದೆ. ಈ ದೇವಾಲಯವು ಜೈನರ ವಲಯದಲ್ಲಿ ಅತ್ಯಂತ ಪವಿತ್ರವಾದ ದೇವಾಲಯವಾಗಿ ಪರಿಗಣಿಸಲ್ಪಟ್ಟಿದೆ. ಈ ದೇಗುಲದಲ್ಲಿರುವ ಮುಖ್ಯದೇವರ ವಿಗ್ರಹವು ನಿಂತ ಭಂಗಿಯಲ್ಲಿದ್ದು, ನಾಲ್ಕೂವರೆ ಮೀಟರ್ ಎತ್ತರವಿದೆ.
ಈ ವಿಗ್ರಹವನ್ನು ಕ್ರಿ.ಶ.1028ರಲ್ಲಿ ನಿರ್ಮಾಣ ಮಾಡಲಾಯಿತು. ಪಾದಪೀಠದ ಬಳಿ ಒಂದು ಸುಂದರವಾದ ಎತ್ತಿನ ವಿಗ್ರಹವನ್ನು ಕೆತ್ತಲಾಗಿದೆ, ಇದು ಪ್ರವಾಸಿಗರನ್ನು ಸ್ವಾಗತಿಸುತ್ತಿರುವಂತೆ ಕಾಣುತ್ತದೆ. ಅಲ್ಲದೆ ಇಲ್ಲಿ ಜೈನ ತೀರ್ಥಂಕರರಿಗೆ ಸೇರಿದ ಹಲವು ವಿಗ್ರಹಗಳು ಇವೆ. ಈ ಸ್ಥಳವು ಯಾತ್ರಾರ್ಥಿಗಳಿಗೆ ಮತ್ತು ಪ್ರವಾಸಿಗರಿಗೆ ಭೇಟಿ ನೀಡಲು ಹೇಳಿ ಮಾಡಿಸಿದ ತಾಣವಾಗಿದೆ. ಇಲ್ಲಿಗೆ ಸಮೀಪದಲ್ಲಿ ಒಂದು ಧರ್ಮಶಾಲಾವಿದ್ದು, ಅಧು ಇಲ್ಲಿಗೆ ಆಗಮಿಸುವವರಿಗೆ ವಸತಿಯ ಸೌಲಭ್ಯವನ್ನು ಒದಗಿಸುತ್ತದೆ.