ಮಾತಂಗೇಶ್ವರ್ ದೇವಾಲಯವು ಶಿವನಿಗಾಗಿ ನಿರ್ಮಿಸಲಾದ ದೇವಾಲಯವಾಗಿದೆ. ಈ ದೇವಾಲಯದಲ್ಲಿ ಮನಮೋಹಕವಾದ ಎಂಟು ಅಡಿ ಎತ್ತರವಿರುವ ಶಿವಲಿಂಗವನ್ನು ನಾವು ಕಾಣಬಹುದು. ಮಹಾಶಿವರಾತ್ರಿಯ ಸಂದರ್ಭದಲ್ಲಿ ಇಲ್ಲಿ ಜನಜಾತ್ರೆಯೆ ನೆರೆಯುತ್ತದೆ. ಈ ದೇಗುಲದಲ್ಲಿರುವ ಲಿಂಗವು ದೇಶದ ಉತ್ತರ ಭಾಗದಲ್ಲಿರುವ ಲಿಂಗಗಳಲ್ಲಿಯೇ ಅತ್ಯಂತ ದೊಡ್ಡದೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ಲಿಂಗವನ್ನು ಹಳದಿಬಣ್ಣದ ಮರಳುಗಲ್ಲಿನಿಂದ ತಯಾರಿಸಲಾಗಿದೆ. ಈ ಮರಳುಗಲ್ಲನ್ನು ನುಣುಪುಗೊಳಿಸಿ, ಅದು ಹೊಳೆಯುವಂತೆ ಮೆರಗನ್ನು ನೀಡಲಾಗಿದೆ.
ಈ ಪ್ರಾಚೀನ ದೇವಾಲಯವು ಖಜುರಾಹೊದಲ್ಲಿ ಮೊದಲು ನಿರ್ಮಾಣಗೊಂಡ ದೇವಾಲಯಗಳಲ್ಲಿ ಒಂದಾಗಿದೆ. ಭಕ್ತಾಧಿಗಳು ಈ ದೇವಾಲಯವನ್ನು ಖಜುರಾಹೊದಲ್ಲಿರುವ ಪವಿತ್ರ ದೇವಾಲಯಗಳಲ್ಲಿ ಒಂದಾಗಿ ಪರಿಗಣಿಸಿದ್ದಾರೆ. ಈ ದೇವಾಲಯವು ಲಕ್ಷ್ಮಣ ದೇವಾಲಯದ ಸಮೀಪದಲ್ಲಿ ನೆಲೆಗೊಂಡಿದೆ. ಈ ದೇವಾಲಯಕ್ಕೆ ಯಾವುದೇ ಬೇಲಿ ಇಲ್ಲ. ಈ ದೇವಾಲಯವು ಯಾವುದೇ ವಿಧವಾದ ವಿನ್ಯಾಸವಿಲ್ಲದೆ ಬೋಳಾಗಿ ಇದೆ. ಆದರೂ ಸಹ ಇದು ಭಾರೀ ಪ್ರಸಿದ್ಧಿಯನ್ನು ಪಡೆದಿದೆ.