ದುಲ್ಹದೇವ್ ದೇವಾಲಯವು ಖಜುರಾಹೊದ ದಕ್ಷಿಣ ಸಮೂಹದ ದೇವಾಲಯಗಳಿಗೆ ಸೇರಿದೆ. ಈ ದೇವಾಲಯವನ್ನು ಚಂಡೇಲರು 1130ರಲ್ಲಿ ನಿರ್ಮಿಸಿದರು. ಈ ದೇವಾಲಯವು ಆವರ ಶ್ರೀಮಂತ ಕಲೆ ಮತ್ತು ವಾಸ್ತುಶಿಲ್ಪದ ಶೈಲಿಯನ್ನು ಇಂದಿಗು ಪ್ರತಿಬಿಂಬಿಸುತ್ತಿದೆ. ಈ ದೇವಾಲಯದಲ್ಲಿ ಐದು ಸಣ್ಣ ಕೋಣೆ ಹಾಗು ಮುಚ್ಚಲ್ಪಟ್ಟ ಒಂದು ಚಾವಡಿಯನ್ನು ಹೊಂದಿದೆ. ದುಲ್ಹದೇವ್ ದೇವಾಲಯವನ್ನು ಶಿವನಿಗಾಗಿ ನಿರ್ಮಿಸಲಾಗಿದೆ. ಈ ದೇವಾಲಯವನ್ನು ಶಿವನ ಮತ್ತು ಪಾರ್ವತಿ ದೇವಿಯರ ಹಲವು ವಿಗ್ರಹಗಳ ಸಹಾಯದಿಂದ ಅಲಂಕರಿಸಲಾಗಿದೆ.
ಇಲ್ಲಿನ ಪ್ರತಿ ಶಿಲ್ಪದಲ್ಲಿ ಅಂದಿನ ಕಾಲದ ಶಿಲ್ಪಿಗಳ ಪ್ರೌಢಿಮೆಯು ಕಾಣುತ್ತದೆ. ಈ ದೇವಾಲಯದ ಒಳಭಾಗದಲ್ಲಿ ಸುಂದರವಾದ ಶಿವಲಿಂಗದ ಸುಂದರ ವಿಗ್ರಹವಿದೆ. ಒಳಭಾಗದ ಗೋಡೆಗಳಲ್ಲಿ ಮತ್ತು ಚಾವಣಿಗಳಲ್ಲಿ ಯಥೇಚ್ಛವಾದ ಸೂಕ್ಷ್ಮ ಕೆತ್ತನೆಗಳನ್ನು ನಾವು ಗಮನಿಸಬಹುದು. ಇಲ್ಲಿನ ಮಂತ್ರ ಮುಗ್ಧಗೊಳಿಸುವಂತಹ ವಿಗ್ರಹಗಳನ್ನು ಮತ್ತು ಕೆತ್ತನೆಗಳನ್ನು ವೀಕ್ಷಿಸಲು ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ.