ಚೌಸಟ್ ಯೋಗಿನಿ ದೇವಾಲಯವು ಖಜುರಾಹೊದ ಅತ್ಯಂತ ಪ್ರಸಿದ್ಧ ದೇವಾಲಯಗಳಲ್ಲಿ ಒಂದಾಗಿದೆ. ಪಶ್ಚಿಮ ದೇಗುಲಗಳ ಸಮೂಹಕ್ಕೆ ಸೇರಿದ ಈ ದೇವಾಲಯವನ್ನು ಕ್ರಿ.ಶ 875 ರಿಂದ 900ರ ಸುಮಾರಿಗೆ ನಿರ್ಮಿಸಲಾಯಿತು ಎಂದು ತಿಳಿದು ಬಂದಿದೆ.
ಈ ದೇವಾಲಯವನ್ನು ದೇವತೆಗಳ ಮಾತೆಯ ವಿವಿಧ ಅವತಾರಗಳಾದಂತಹ 64 ಯೋಗಿನಿಯರಿಗಾಗಿ ನಿರ್ಮಿಸಲಾಗಿದೆ. ಈ ದೇವಾಲಯವು ಹಲವು ವೈಶಿಷ್ಟ್ಯಗಳನ್ನು ತನ್ನಲ್ಲಿ ಒಳಗೊಂಡಿದೆ. ಸ್ಥಳೀಯವಾಗಿ ಲಭ್ಯವಿರುವ ಗ್ರಾನೈಟ್ಅನ್ನು ಬಳಸಿ ನಿರ್ಮಿಸಲಾದಂತಹ ಏಕೈಕ ದೇವಾಲಯ ಇದಾಗಿದೆ. ಅಲ್ಲದೆ ಈ ದೇವಾಲಯವನ್ನು ಅಲಂಕರಿಸಲು ಯಾವುದೇ ಬಗೆಯ ವಿನ್ಯಾಸ ಅಥವಾ ಕೆತ್ತನೆಗಳನ್ನು ಇಲ್ಲಿ ಮಾಡಿಲ್ಲ. ಅಲ್ಲದೆ ಗೋಡೆಗಳ ಮೇಲೆ ಖಜುರಾಹೊದ ಲಕ್ಷಣಗಳನ್ನು ಬಿಂಬಿಸುವ ಯಾವುದೇ ಬಗೆಯ ಕೆತ್ತನೆಗಳು ಇಲ್ಲ.
ಈ ದೇವಾಲಯದಲ್ಲಿ ಅರವತ್ತೇಳು ಗುಡಿಗಳಿದ್ದು, ಅವುಗಳಲ್ಲಿ ಅರವತ್ತನಾಲ್ಕು ಗುಡಿಗಳನ್ನು ಯೋಗಿನಿಯರಿಗಾಗಿ ನಿರ್ಮಿಸಲಾಗಿದೆ.ಇಲ್ಲಿ ಇರುವ ದೊಡ್ಡ ಗುಡಿಯಲ್ಲಿ ಮಹಿಷಾಸುರ ಮರ್ದಿನಿಯ ರೂಪದಲ್ಲಿರುವ ದುರ್ಗಾ ದೇವಿಯನ್ನು ನಾವು ಕಾಣಬಹುದು. ಇದರ ಜೊತೆಗೆ ಇರುವ ಗುಡಿಗಳಲ್ಲಿ ಮಾತೃಕೆಯರಾದ ಬ್ರಾಹ್ಮಣಿ ಮತ್ತು ಮಹೇಶ್ವರಿಯರನ್ನು ನಾವು ಕಾಣಬಹುದು. ಈ ದೇವಾಲಯವು ಖಜುರಾಹೊದ ಅತ್ಯಂತ ಹಳೆಯ ದೇವಾಲಯಗಳಲ್ಲಿ ಒಂದಾಗಿದೆ. ಅಲ್ಲದೆ ಇದು ಭಾರತದಲ್ಲಿರುವ ಅತ್ಯಂತ ಹಳೆಯ ಯೋಗಿನಿಯರ ದೇವಾಲಯವಾಗಿದೆ.