ಕ್ರಿ.ಶ.1100ರಲ್ಲಿ ನಿರ್ಮಾಣಗೊಂಡ ಚತುರ್ಭುಜ್ ದೇವಾಲಯವು ಖಜುರಾಹೊದ ದಕ್ಷಿಣ ಸಮೂಹದಲ್ಲಿ ಬರುತ್ತದೆ. ಚೌಕಾಕರದ ವೇದಿಕೆಯ ಮೇಲೆ ನಿರ್ಮಾಣಗೊಂಡಿರುವ ಈ ದೇವಾಲಯವು ಪಶ್ಚಿಮಾಭಿಮುಖವಾಗಿ ನೆಲೆಗೊಂಡಿದ್ದು, ಹತ್ತು ಮೆಟ್ಟಿಲುಗಳನ್ನು ಹೊಂದಿದೆ. ಈ ದೇವಾಲಯವು ತ್ರಿಮೂರ್ತಿಗಳಾದ ಬ್ರಹ್ಮ, ವಿಷ್ಣು ಮತ್ತು ಮಹೇಶ್ವರರ ವಿಗ್ರಹಗಳನ್ನು ಕೆತ್ತಲಾಗಿರುವ ವಿಶಾಲವಾದ ದ್ವಾರಬಾಗಿಲನ್ನು ಹೊಂದಿದೆ. 9 ಅಡಿ ಎತ್ತರವಿರುವ, ನಾಲ್ಕು ಕೈಗಳನ್ನು ಹೊಂದಿರುವ ವಿಷ್ಣು ವಿಗ್ರಹವು ಈ ದೇವಾಲಯದ ಪ್ರಮುಖ ಆಕರ್ಷಣೆಯಾಗಿದೆ.
ಇದರ ಜೊತೆಗೆ ಈ ದೇವಾಲಯದಲ್ಲಿ ವಿಷ್ಣುವಿನ ನರಸಿಂಹ ಅವತಾರ ಮತ್ತು ಶಿವನ ಅರ್ಧ ನಾರೀಶ್ವರ ವಿಗ್ರಹಗಳನ್ನು ಸಹ ನಾವು ನೋಡಬಹುದು. ಈ ದೇವಾಲಯವು ಗರ್ಭಗುಡಿ, ಶಿಖರ, ಆರಾಧನ ಮಂಟಪ ಮತ್ತು ಮಹಾಮಂಟಪವನ್ನು ಹೊಂದಿದೆ. ಹಲವಾರು ಪುರಾಣ ಕಥೆಯನ್ನು ಬಿಂಬಿಸುವ ಪಾತ್ರಗಳು ಮತ್ತು ಚಿತ್ರಿಕೆಗಳು ಈ ದೇವಾಲಯದ ಗೋಡೆಗಳನ್ನು ಅಲಂಕರಿಸಿವೆ. ಇಲ್ಲಿಗೆ ಭೇಟಿಕೊಡುವ ಪ್ರವಾಸಿಗರಿಗೆ ಈ ದೇವಾಲಯದ ಅದ್ಭುತವಾದ ವಾಸ್ತುಶಿಲ್ಪವು ಕುತೂಹಲಕರವಾದ ತಾಣವನ್ನಾಗಿ ಮಾಡಿದೆ.