ಬೀಜಮಂಡಲ್ ದೇವಾಲಯವು ಖಜುರಾಹೊದ ವಿದಿಶಾದಲ್ಲಿ ನೆಲೆಗೊಂಡಿದೆ. ಈ ದೇವಾಲಯದ ಸಂಕೀರ್ಣವು ಇದರ ಮೇಲೆ ಇರುವ ಬಿಳಿಯ ಕಲ್ಲಿನಿಂದಾಗಿ ಪ್ರತ್ಯೇಕವಾಗಿ ಕಾಣಿಸುತ್ತದೆ. ಕಣ್ಮನ ಸೂರೆಗೊಳ್ಳುವ ಈ ದೇವಾಲಯದ ವಾಸ್ತುಶಿಲ್ಪವು ಇಂಡೋನೇಷ್ಯಾ ಅಥವಾ ಆಗ್ನೇಯ ಏಶಿಯಾದ ವಾಸ್ತುಶಿಲ್ಪವನ್ನು ಹೊಂದಿದೆ. ಇಲ್ಲಿನ ದೇವಾಲಯದಲ್ಲಿ ಪ್ರತಿ ರಾತ್ರಿಯು ಸಂಪ್ರದಾಯದಂತೆ ಪವಿತ್ರವಾದ ದೀಪವನ್ನು ಹಚ್ಚುವ ಪದ್ಧತಿಯಿದೆ. ಈ ಎಣ್ಣೆ ದೀಪವನ್ನು ಹಚ್ಚುವ ಸಂದರ್ಭದಲ್ಲಿ ಇಡೀ ಹಳ್ಳಿಯ ಜನರು ದೇವಾಲಯದ ಸಂಕೀರ್ಣದಲ್ಲಿ ನೆರೆದಿರುತ್ತಾರೆ.
ಈ ದೇವಾಲಯವನ್ನು ಮೊದಲು ಹಿಂದೂ ದೇವತೆಗಳಾದ ಶಿವ ಮತ್ತು ಪಾರ್ವತಿಯರನ್ನು ಪೂಜಿಸುವ ಸಲುವಾಗಿ ನಿರ್ಮಿಸಲಾಯಿತು. ಆದರೆ ಪ್ರಸ್ತುತ ಈ ದೇವಾಲಯವು ಅವಶೇಷವಾಗಿದೆ. ಆದರೆ ಅಳಿದುಳಿದ ಅವಶೇಷಗಳ ಮೂಲಕ ಈ ದೇವಾಲಯವು ಸುಂದರವಾದ ಹೊರ ಗೋಡೆಗಳನ್ನು ಹೊಂದಿತ್ತು ಎಂದು ತಿಳಿದುಬರುತ್ತದೆ. ಈ ಗೋಡೆಗಳ ಮೇಲೆ ಸುಂದರವಾದ ಪ್ರಾಣಿಗಳ ಕೆತ್ತನೆಯನ್ನು ನಾವು ಕಾಣಬಹುದು. ದೇವಾಲಯದ ಒಳಗೋಡೆಗಳ ಮೇಲೆ ಶೋಭಾಯಮಾನವಾದ ಮಾನವರ ವಿವಿಧ ಭಂಗಿಗಳ ಶಿಲ್ಪವನ್ನು ಕೆತ್ತಲಾಗಿದೆ.