ಮಾರ್ತಾಂಡ ಸೂರ್ಯ ದೇವಾಲಯವನ್ನು ಹಿಂದು ದೇವರಾದ ಸೂರ್ಯನಿಗಾಗಿ ನಿರ್ಮಿಸಲಾಗಿದೆ. ಇದನ್ನು ಸುಮಾರು 7 ಅಥವಾ 8ನೇ ಶತಮಾನದಲ್ಲಿ ನಿರ್ಮಿಸಲಾಗಿದೆ. ಭಾಸ್ಕರ ಎಂದು ಕೂಡ ಕೆರಸಿಕೊಳ್ಳುವ ಈ ದೇವರ ದರ್ಶನಕ್ಕೆ ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುತ್ತಾರೆ. ಇದು ಅನಂತನಾಗ್ ಪಟ್ಟಣಕ್ಕೆ ಅತ್ಯಂತ ಸಮೀಪದಲ್ಲಿದೆ.
ಈ ದೇಗುಲವನ್ನು ಸೂರ್ಯವಂಶದ ಅರಸು ಲಲಿತಾದಿತ್ಯ ನಿರ್ಮಿಸಿದ. ಇದನ್ನು ಈತನ ಅತ್ಯಂತ ಪ್ರಾಮಾಣಿಕ ಕೆಲಸಗಳಲ್ಲಿ ಒಂದು ಎಂದು ನಂಬಲಾಗುತ್ತದೆ. 84 ಅಂಕಣದಲ್ಲಿ ನಿರ್ಮಿಸಲಾಗಿರುವ ಈ ದೇವಾಲಯ ಸಾಕಷ್ಟು ವಿಶಾಲವಾಗಿದೆ. ಚೌಕಾಕಾರದ ಸುಣ್ಣದ ಕಲ್ಲಿನಿಂದ ದೇಗುಲವನ್ನು ನಿರ್ಮಿಸಲಾಗಿದೆ. ಅಂದಿನ ಕಾಲದ ಕಲಾವಿದರ ಶಕ್ತಿ, ಸಾಮರ್ಥ್ಯಗಳ ಪ್ರದರ್ಶನವು ಈ ದೇವಾಲಯವನ್ನು ಅನ್ವೇಷಿಸುವಾಗ ಕಾಣದೆ ಇರಲಾರದು. ಈ ದೇವಾಲಯದ ಅತ್ಯಾಕರ್ಷಕ ವಾಸ್ತುಶಿಲ್ಪವು ಅಪಾರ ಸಂಖ್ಯೆಯಲ್ಲಿ ಜನರನ್ನು ಸೆಳೆಯುತ್ತದೆ. ದೇವಾಲಯದ ಸುತ್ತ ಸುಂದರ ಹಿಮಾಚ್ಛಾದಿತ ಬೆಟ್ಟಗಳು ಸುತ್ತುವರಿದಿದ್ದು, ನೋಡುಗರಿಗೆ ರಸದೌತಣವನ್ನು ಕೊಡುತ್ತದೆ. ಕಾಶ್ಮೀರ ಕಣಿವೆಯ ಮನೋಹರ ನೋಟವನ್ನು ಕೂಡ ಇದು ನೀಡುವುದರಿಂದ ವಿಶೇಷ ಪ್ರಾಧಾನ್ಯತೆಯನ್ನು ಪ್ರವಾಸಿಗರಲ್ಲಿ ಪಡೆದುಕೊಂಡಿದೆ.