ಮಾರುತಿ ದೇವಸ್ಥಾನವು ಕಾರವಾರಿನಿಂದ 8 ಕಿ.ಮೀ ದೂರದಲ್ಲಿದೆ. ಇಲ್ಲಿ ಜರುಗುವ 'ರಂಗೋಲಿ ಉತ್ಸವ'ಕ್ಕೆ ಈ ದೇವಸ್ಥಾನವು ಹೆಸರುವಾಸಿಯಾಗಿದೆ. ಈ ಸಮಯದಲ್ಲಿ ದೇವಸ್ಥಾನದ ರಹದಾರಿಗಳು ವಿವಿಧ ಬಗೆಯಲ್ಲಿ ಅಲಂಕೃತಗೊಂಡಿರುವುದನ್ನು ಕಾಣಬಹುದು. ಸ್ಥಳೀಯ ಪ್ರತಿಭೆಗಳಿಂದ ಹಾಕಲ್ಪಟ್ಟ ವೈವಿಧ್ಯಮಯ ರಂಗೋಲಿಯ ಚಿತ್ತಾರಗಳು ಕಣ್ಮನ ಸೆಳೆಯುತ್ತಾ ಬಹುಸಂಖ್ಯೆಯಲ್ಲಿ ಜನರನ್ನು ಆಕರ್ಷಿಸುತ್ತದೆ. ಇಲ್ಲಿನ ರಂಗೋಲಿಗಳಲ್ಲಿ ಕೇವಲ ವಿನ್ಯಾಸಗಳನ್ನಲ್ಲದೆ ಹಲವು ದೇವ-ದೇವತೆಯರ ಚಿತ್ರಗಳು, ಪ್ರಸಿದ್ಧ ಕ್ರೀಡಾಪಟುಗಳು ಹಾಗು ರಾಜಕಾರಣಿಗಳ ಚಿತ್ರಣಗಳನ್ನೂ ಕಾಣಬಹುದು.