ಕರೌಲಿಯ, ಕರೌಲಿ ಕೋಟೆಯಲ್ಲಿರುವ ಮದನ್ ಮೋಹನ್ ಜಿ ದೇವಸ್ಥಾನವನ್ನು ಮಹಾರಾಜಾ ಗೋಪಾಲ್ ಸಿಂಗ್ ರು ನಿರ್ಮಿಸಿದ್ದಾರೆ. ಈ ದೇವಸ್ಥಾನವು, ಭಗವಾನ್ ಕೃಷ್ಣನ ಅವತಾರವಾದ ಮದನ್ ಮೋಹನನಿಗೆ ಸಮರ್ಪಿತವಾಗಿದೆ.3 ಅಡಿ ಉದ್ದದ ಭಗವಾನ್ ಕೃಷ್ಣ ಮತ್ತು 2 ಅಡಿ ಉದ್ದದ ರಾಧೆಯ ವಿಗ್ರಹಗಳನ್ನು ಈ ದೇವಸ್ಥಾನದಲ್ಲಿ ಕಾಣಬಹುದು. ಮಹಾರಾಜಾ ಗೋಪಾಲ್ ಸಿಂಗ್ ನು ದೌಲತಾಬಾದ್ ಗೆದ್ದ ನಂತರ, ಭಗವಾನ್ ಕೃಷ್ಣನು ತನ್ನನ್ನು ಪೂಜಿಸಬೇಕೆಂಬ ಇಚ್ಛೆಯನ್ನು ರಾಜನ ಕನಸಿನಲ್ಲಿ ವ್ಯಕ್ತಪಡಿಸಿದ್ದರಿಂದ, ಅಜ್ಮೇರ್ ನಿಂದ ಈ ಕೃಷ್ಣನ ವಿಗ್ರಹವನ್ನು ಕರೌಲಿಯ ದೇವಸ್ಥಾನಕ್ಕೆ ತರಲಾಯಿತೆಂದು ಇಲ್ಲಿನ ಜನರ ಅನಿಸಿಕೆಯಾಗಿದೆ. ಕರೌಲಿ ಕಲ್ಲಿನಿಂದ ನಿರ್ಮಿಸಲಾದ ಈ ದೇವಸ್ಥಾನದಲ್ಲಿ ಮಧ್ಯಯುಗದ ವಾಸ್ತುಕಲೆಯನ್ನು ಕಾಣಬಹುದು. ಗರ್ಭಗೃಹವು ತನ್ನ ಸುತ್ತಲು ವಿವಿಧ ಚಿತ್ರಗಳಿಂದ ಅಲಂಕೃತಗೊಂಡಿದೆ. ವಾಸ್ತುಶಿಲ್ಪದ ಸುಂದರತೆಯನ್ನು ಗರ್ಭಗುಡಿ ಮಾತ್ರವಲ್ಲದೆ ಹೊರಾಂಗಣ ಮತ್ತು ಜಗ್ಮೋಹನ್ ನಲ್ಲಿಯು ಚಿತ್ರಿಸಲಾಗಿದೆ.ಕೃಷ್ಣ, ರಾಧೆಯರಿಗೆ ಸಂಬಂಧಪಟ್ಟ ಹಲವಾರು ಉತ್ಸವಗಳನ್ನು ಈ ದೇವಸ್ಥಾನದಲ್ಲಿ ಆಚರಿಸಲಾಗುತ್ತದೆ. ಪ್ರವಾಸಿಗರು ಇಲ್ಲಿ ಆಚರಿಸಲಾಗುವ ಜನ್ಮಾಷ್ಟಮಿ, ರಾಧಾ ಅಷ್ಟಮಿ, ಗೋಪಾಷ್ಟಮಿ ಮತ್ತು ಹಿಂದೋಲಾ ಉತ್ಸವಗಳಲ್ಲಿ ಪಾಲ್ಗೊಳ್ಳಬಹುದಾಗಿದೆ. ಇವುಗಳಲ್ಲದೆ, ಪ್ರತಿ ಅವಮಾಸ್ಯೆಗಳಲ್ಲಿ ಸ್ಥಳೀಯರು ಮತ್ತು ಪ್ರವಾಸಿಗರಿಗೆಂದು ವಿಶೇಷವಾದ ಹಬ್ಬವನ್ನೂ ಕೂಡ ಆಚರಿಸಲಾಗುತ್ತದೆ.