ಪಿಳ್ಳಯರ್ ಪಟ್ಟಿ ಕರ್ಪಗ ವಿನಾಯಕರ್ ದೇವಾಲಯವು ತಮಿಳುನಾಡಿನ ಶಿವಗಂಗೈ ಜಿಲ್ಲೆಯಲ್ಲಿನ ಪಿಳ್ಳಯರ್ ಪಟ್ಟಿಯಲ್ಲಿ ನೆಲೆಗೊಂಡಿದೆ. ಇದು ಈ ರಾಜ್ಯದಲ್ಲಿರುವ ಅತ್ಯಂತ ಹಳೆಯ ಗುಹಾಂತರ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯವು ಕಾರೈಕುಡಿ ಮತ್ತು ಪಡುಕೊಟ್ಟೈ ನಗರಗಳ ಮಧ್ಯೆ ನೆಲೆಸಿದೆ. ಈ ದೇವಾಲಯದ ಗೋಡೆಗಳ ಮೇಲೆ ಇರುವ ಶಾಸನಗಳಿಂದ ಈ ದೇವಾಲಯವು ಸರಿ ಸುಮಾರು ಕ್ರಿ.ಶ 1091 ರಿಂದ 1238ರ ಮಧ್ಯಭಾಗದಲ್ಲಿ ನಿರ್ಮಾಣವಾಯಿತೆಂದು ತಿಳಿದುಬರುತ್ತದೆ.
ಈ ವಿಶ್ವ ವಿಖ್ಯಾತ ಗುಹಾಂತರ ದೇವಾಲಯವು ಕಲ್ಲಿನಿಂದ ಕೆತ್ತಿದ ಹಲವಾರು ದೇವಾನುದೇವತೆಗಳ ಚಿತ್ರಗಳನ್ನು ಹೊಂದಿದೆ. ಈ ದೇವಾಲಯವನ್ನು ಗಣಪತಿಗಾಗಿ ನಿರ್ಮಿಸಲಾಗಿದೆ. ಗಣಪತಿಯೇ ಇಲ್ಲಿನ ಮುಖ್ಯದೇವರು. ಪಿಳ್ಳಯರ್ ಪಟ್ಟಿ ಗಣೇಶನನ್ನು ಬೆಟ್ಟದಲ್ಲಿದ್ದ 6 ಅಡಿ ಎತ್ತರದ ಕಲ್ಲು ಬಂಡೆಯನ್ನು ಕೆತ್ತಿ ನಿರ್ಮಿಸಲಾಗಿದೆ. ಪಾಂಡ್ಯ ರಾಜರಿಂದ ನಿರ್ಮಿಸಲ್ಪಟ್ಟ ಈ ದೇವಾಲಯದಲ್ಲಿ ಗಣಪತಿಯ ಸೊಂಡಿಲು ಸಾಮಾನ್ಯವಾಗಿಲ್ಲದೆ ಬಲಕ್ಕೆ ಇದೆ.
ಇಲ್ಲಿ ಗಣೇಶ ಚತುರ್ಥಿ ಅಥವಾ ವಿನಾಯಕ ಚತುರ್ಥಿಯನ್ನು, ಅತ್ಯಂತ ಶ್ರದ್ಧಾ ಭಕ್ತಿಗಳಿಂದ ಆಚರಿಸಲಾಗುತ್ತದೆ. ಈ ಹಬ್ಬದ ಸಂದರ್ಭದಲ್ಲಿ ಅಸಂಖ್ಯಾತ ಭಕ್ತಾಧಿಗಳು ಈ ದೇವಾಲಯಕ್ಕೆ ಆಗಮಿಸುತ್ತಾರೆ. ಈ ಹಬ್ಬವನ್ನು ಇಲ್ಲಿ ಹತ್ತು ದಿನಗಳ ಕಾಲ ಆಚರಿಸುತ್ತಾರೆ. ಇದೇ ಸಂದರ್ಭದಲ್ಲಿ ಇಲ್ಲಿ ವಿನಾಯಕನಿಗಾಗಿ ರಥಯಾತ್ರೆಯನ್ನು ಸಹ ಮಾಡಲಾಗುತ್ತದೆ.