ಕನ್ನತಲ್ ದೇವಾಲಯವು ಶಿವಗಂಗೈ ಜಿಲ್ಲೆಯಲ್ಲಿರುವ ನಟ್ಟರಸನ್ಕೋಟೈ ಗ್ರಾಮದಲ್ಲಿ ನೆಲೆಗೊಂಡಿದೆ. ಈ ಗ್ರಾಮವು ಕರೈಕುಡಿಗೆ ಸಮೀಪದಲ್ಲಿದೆ. ಈ ದೇವಾಲಯವನ್ನು ಸ್ವಯಂಭುಮೂರ್ತಿಯೆಂದು ಪರಿಗಣಿಸಲ್ಪಟ್ಟಿರುವ ಕನ್ನತಲ್ ನಾಯಕಿ ದೇವಿಗಾಗಿ ನಿರ್ಮಿಸಲಾಗಿದೆ.
ಈ ದೇವಾಲಯದ ಅನುಪಮತೆಯು ಇದರ ನಿರ್ಮಾಣದಲ್ಲಿ ನೆಲೆಗೊಂಡಿದೆ. ಈ ದೇವಾಲಯದ ಆವರಣವು ವಿಶಾಲವಾಗಿದ್ದು, ನೋಡಲು ಭವ್ಯವಾಗಿ ಕಾಣುತ್ತವೆ. ನಮ್ಮ ದೇಶದ ಈ ಭೂಭಾಗವನ್ನು ನಗರತರರಿಗಿಂತ ಮೊದಲು ಆಳಿದ ರಾಜರು ಈ ದೇವಾಲಯದ ಗರ್ಭಗುಡಿ, ಮಹಾಮಂಟಪ ಮತ್ತು ಅರ್ಥಮಂಟಪಂಗಳನ್ನು ನಿರ್ಮಿಸಿದರು. ನಗರತರರು, ನಾವು ಇಂದು ಕಾಣುತ್ತಿರುವ ಈ ದೇವಾಲಯದೆ ಕೆಲವು ಭಾಗಗಳನ್ನು ನಿರ್ಮಿಸಿದರು.
ಇವರು ಈ ದೇವಾಲಯದ ಮಧ್ಯ ಭಾಗದಲ್ಲಿ ಒಂದು ಗೋಪುರವನ್ನು ಮತ್ತು ರಾಜಗೋಪುರವನ್ನು ನಿರ್ಮಿಸಿದರು. ಅಲ್ಲದೆ ಇವರು ಚೊಕ್ಕಟ್ಟನ್ಚೆರ್ರಿ ಎಂಬ ಆ ಕಾಲದ ವಾಸ್ತುಶಿಲ್ಪದ ಅದ್ಭುತವೆಂದು ಬಣ್ಣಿಸಲಾಗುವ, ಕಲಾಕುಸುರಿಯಿಂದ ಕೂಡಿರುವ ಹಜಾರವನ್ನು ನಿರ್ಮಿಸಿದ್ದಾರೆ. ನಗರತರರು ಈ ದೇವಾಲಯಕ್ಕಾಗಿ ಹಲವಾರು ರಥಗಳನ್ನು ಸಹ ನಿರ್ಮಿಸಿಕೊಟ್ಟಿದ್ದಾರೆ. ಈ ರಥಗಳನ್ನು ಮರ, ಬೆಳ್ಳಿ ಮತ್ತು ಅಮೂಲ್ಯ ರತ್ನಗಳಿಂದ ನಿರ್ಮಿಸಲಾಗಿದೆ.