ಎಲ್ಲ ಕಾಲದಲ್ಲೂ ಕನ್ಯಾಕುಮಾರಿ ಅಹ್ಲಾದಕರವಾಗಿರುವುದರಿಂದ ಯಾವ ಸಮಯದಲ್ಲಿ ಬೇಕಾದರೂ ಇಲ್ಲಿಗೆ ಭೇಟಿ ನೀಡಬಹುದು. ಹೆಚ್ಚು ವ್ಯತ್ಯಾಸವಿಲ್ಲದಿದ್ದರೂ ಅಕ್ಟೋಬರ್ ನಿಂದ ಮಾರ್ಚ್ ಕನ್ಯಾಕುಮಾರಿಗೆ ಹೋಗಲು ಸೂಕ್ತ ಸಮಯ.
ಇಲ್ಲಿ ಬೇಸಿಗೆಗಾಲ ಮಾರ್ಚ್ ನಿಂದ ಪ್ರಾರಂಭವಾಗಿ ಮೇ ಯಲ್ಲಿ ಮುಗಿಯುತ್ತದೆ. ಈ ಕಾಲದಲ್ಲಿ ವಾತಾವರಣ ಆಹ್ಲಾದಕರವಾಗಿರುತ್ತದೆ. ವಾತಾವರಣದ ತಾಪಮಾನ 20 ರಿಂದ 35 ಡಿಗ್ರೀ ಯಷ್ಟಿರುತ್ತದೆ. ಪ್ರವಾಸಿಗರು ಬೀಚ್ ಗಳಲ್ಲಿ ಕಾಲಕಳೆಯಬಹುದು.
ಮಳೆಗಾಲ ಜೂನ್ ನಿಂದ ಸೆಪ್ಟೆಂಬರ್ ಕೊನೆಯವರೆಗೆ ಇರುತ್ತದೆ. ಈ ಕಾಲದಲ್ಲಿ ಕಡಿಮೆಯಿಂದ ಹೆಚ್ಚು ಮಳೆ ಸುರಿಯುವುದರ ಜೊತೆಗೆ ಗುಡುಗು ಸಿಡಿಲುಗಳು ಇರುತ್ತವೆ. ಮಳೆಗಾಲವನ್ನು ಇಷ್ಟಪಡುವವರು ಈ ಸಮಯದಲ್ಲಿ ಭೇಟಿ ನೀಡಬಹುದು. ಈ ಸಮಯದಲ್ಲಿ ಕನ್ಯಾಕುಮಾರಿ ಆಕರ್ಷಕವಾಗಿರುತ್ತದೆ.
ಡಿಸೆಂಬರ್ ನಿಂದ ಫೆಬ್ರವರಿ ಇಲ್ಲಿ ಚಳಿಗಾಲ. ಈ ಸಮಯದಲ್ಲಿ ವಾತಾವರಣ ಚೆನ್ನಾಗಿದ್ದು, ತಾಪಮಾನ 17 ರಿಂದ 32 ಡಿಗ್ರಿ ಸೆಲ್ಶಿಯಸ್ ಇರುತ್ತದೆ. ಈ ಸಮಯ ಬೀಚ್ನಲ್ಲಿ ಕಳೆಯಲು ಸರಿಯಾದ ಸಮಯ.