ಕಾನ್ಪುರ ಸಂಗ್ರಹಾಲಯ ಅಥವಾ ಕಾನ್ಪುರ ಮ್ಯೂಸಿಯಂ ನಗರದ ಅಧಿಕೃತ ಸಂಗ್ರಹಾಲಯವಾಗಿದೆ. ಇದು ಅನೇಕ ಪ್ರದರ್ಶಕ ವಸ್ತುಗಳು, ಸ್ಮರಣಿಕೆಗಳ, ಕರಕುಶಲ ವಸ್ತುಗಳ ಬೀಡಾಗಿದ್ದು, ಬ್ರಿಟಿಷರ ವಿರುದ್ಧ ಹೋರಾಡಿದ ಭಾರತೀಯರ ಗತಕಾಲದ ಇತಿಹಾಸದ ಪುಟಗಳನ್ನು ತೆರೆದಿಡುತ್ತದೆ. ಈ ಮ್ಯೂಸಿಯಂನಲ್ಲಿರುವ ಒಂದು ಪ್ರಮುಖವಾದ ಆಕರ್ಷಣೆಯೆಂದರೆ ಬ್ರಿಟಿಷರಿಗೆ ಸೇರಿದ ಐತಿಹಾಸಿಕ ಪಿಸ್ತೂಲು.

ಈ ಮ್ಯೂಸಿಯಂ ನಿಖರವಾದ ಐತಿಹಾಸಿಕ, ಅಮೂಲ್ಯವಾದ ಸಾಂಸ್ಕೃತಿಕ ಮಾಹಿತಿಯ ಡೇಟಾಬೇಸ್ ನಂತಿದೆ. ಇದನ್ನು 1999ನೇ ಇಸ್ವಿಯಲ್ಲಿ ಸ್ಥಾಪಿಸಲಾಯಿತು. ಈಗ ಇದು ಫೂಲ್ ಸಿಂಗ್ ಭಾಗ್ ಮೈದಾನದಲ್ಲಿ, ಅಂದರೆ ಕಾನ್ಪುರ - ಲಖನೌ ರಸ್ತೆ ಕ್ರಾಸಿಂಗ್ ರಸ್ತೆ, ಮಾಲ್ ರೋಡ್ ನಲ್ಲಿ ಉಪಸ್ಥಿತವಿದೆ.