ತಿರುವನಿಕುಲಂ ಮಹಾದೇವ ದೇವಾಲಯವು ಎರ್ನಾಕುಲಂ ಜಿಲ್ಲೆಯಲ್ಲಿರುವ ಕಾಲಡಿಗೆ ಸಮೀಪದಲ್ಲಿರುವ ದಕ್ಷಿಣ ಅಲುವದಲ್ಲಿ ನೆಲೆಗೊಂಡಿದೆ. ಇಲ್ಲಿ ಪ್ರಮುಖವಾಗಿ ಶಿವನನ್ನು ಪೂಜಿಸಲಾಗುತ್ತದೆ. ಅಲ್ಲದೆ ಇಲ್ಲಿ ಪಾರ್ವತಿ ದೇವಿಗಾಗಿ ಪ್ರತ್ಯೇಕ ದೇವಾಲಯವನ್ನು ನಿರ್ಮಿಸಲಾಗಿದೆ. ಈ ದೇವಾಲಯವು ಗಣಪತಿ, ಅಯ್ಯಪ್ಪ ಮತ್ತು ವಿಷ್ಣುವಿನ ಸಣ್ಣ ಸಣ್ಣ ದೇಗುಲಗಳನ್ನು ಹೊಂದಿದೆ. ಈ ದೇವಾಲಯದ ಗರ್ಭಗುಡಿಯು ವರ್ಷದಲ್ಲಿ ಕೇವಲ ಹನ್ನೆರಡು ದಿನ ಮಾತ್ರ ತೆರೆದಿರುತ್ತದೆ. ತಿರುವತಿರ ಉತ್ಸವ ಎಂದು ಕರೆಯಲ್ಪಡುವ ಉತ್ಸವದ ಸಂದರ್ಭದಲ್ಲಿ ಪೂಜೆ ಮತ್ತು ಪ್ರಾರ್ಥನೆಗಳ ಸಲುವಾಗಿ ಈ ದೇವಾಲಯವನ್ನು ತೆರೆಯಲಾಗುತ್ತದೆ. ಈ ಹನ್ನೆರಡು ದಿನಗಳನ್ನು ಭಕ್ತಾಧಿಗಳು ಅತ್ಯಂತ ಪವಿತ್ರ ದಿನಗಳೆಂದು ಪರಿಗಣಿಸುತ್ತಾರೆ.