ಒಂದೊಮ್ಮೆ ಜೆಪೋರಿನ ರಾಜಧಾನಿಯಾಗಿತ್ತು ನಂದಪುರ. ಸೆಮಿಲಿಗುಅಡದಿಂದ 14 ಮೈಲು ಹಾಗು ಪಾತಂಗಿಯಿಂದ 50 ಕಿ.ಮೀ ದೂರದಲ್ಲಿರುವ ಈ ತಾಣ ಐತಿಹಾಸಿಕ ಮಹತ್ವವನ್ನು ಪಡೆದಿದೆ. ಕೆಲೆವು ಅಪರೂಪದ ವಸ್ತುಗಳನ್ನು ಈ ಸ್ಥಳದಿಂದ ಉತ್ಖನನ ಮಾಡಲಾಗಿದ್ದು, ಜೈನ ಹಾಗು ಶಕ್ತಿ ಕುಲಗಳ ಉಪಸ್ಥಿತಿಯನ್ನು ಇದು ಸೂಚಿಸುತ್ತದೆ.
32 ಮೆಟ್ಟಿಲುಗಳುಳ್ಳ ಸೀಂಹಾಸನದಿಂದ ಈ ತಾಣವು ಪ್ರಸಿದ್ಧವಾಗಿದ್ದು, ಅದನ್ನು 'ಬತ್ರಿಸ ಸಿಂಹಾಸನ' ಎಂದು ಕರೆಯಲಾಗುತ್ತದೆ. ಇದು ವಿಕ್ರಮಾದಿಯ ಮಹಾರಾಜನಿಂದ ನಿರ್ಮಿಸಲ್ಪಟ್ಟಿದೆ ಎಂದು ನಂಬಲಾಗಿದೆ. ಅಲ್ಲದೆ ಈ ಪುಟ್ಟ ಹಳ್ಳಿಯಲ್ಲಿ ಹಲವಾರು ಸಣ್ಣ ಪುಟ್ಟ ತೊರೆಗಳನ್ನು ಕಾಣಬಹುದು. ಗ್ರಾಮದ ಉತ್ತರ ದಿಕ್ಕಿನ ಕೊನೆಯಲ್ಲಿ ಎರಡು ಬೃಹತ್ತಾದ ಬಂಡೆಗಳನ್ನು ಕಾಣಬಹುದು.
ಒಂದು ಬಂಡೆಯಲ್ಲಿ ಸುಂದರವಾದ ಕೆತ್ತನೆಯನ್ನು ಕಾಣಬಹುದಾಗಿದ್ದು, ಮತ್ತೊಂದರಲ್ಲಿ ಆನೆಯ ಚಿತ್ರವನ್ನು ಕೆತ್ತಲಾಗಿದೆ. ಇವುಗಳಿಂದ ಪುರಾತನ ಕಾಲದ ಈ ಗ್ರಾಮ ವೈಭವವನ್ನು ಮನಗಾಣಬಹುದು.