'ಮತ್ಸ್ಯ ತೀರ್ಥ' ಎಂದೂ ಕರೆಯಲ್ಪಡುವ ದುದುಮ ಜಲಪಾತ, ಜೆಪೋರ್ ನ ಖ್ಯಾತ ತಾಣಗಳಲ್ಲಿ ಒಂದಾಗಿದೆ. ಜೆಪೋರ್ ನಿಂದ 70 ಕಿ. ಮೀ ದೂರದಲ್ಲಿರುವ ದುದುಮ ಜಲಪಾತ, ಮಚ್ಚಕುಂಡ್ ನದಿಯಿಂದ ಉಗಮವಾಗಿದ್ದು, 157 ಮೀಟರ್ ಎತ್ತರವಿದ್ದು, ದಕ್ಷಿಣ ಭಾರತದಲ್ಲೇ ಎತ್ತರದ ಜಲಪಾತಗಳಲ್ಲಿ ಒಂದು ಎಂಬ ಖ್ಯಾತಿ ಪಡೆದಿದೆ.
ಈ ಜಲಪಾತ ಪ್ರಸಿದ್ಧ ಮಚ್ಚಕುಂಡ್ ಜಲವಿದ್ಯುತ್ ಸ್ಥಾವರದ ಬೀಡಾಗಿದೆ. 1941 ರಲ್ಲಿ ಮಚ್ಚಕುಂಡ್ ಜಲವಿದ್ಯುತ್ ಸ್ಥಾವರವನ್ನು ಸ್ಥಾಪಿಸುವ ವರೆಗೆ ಈ ಸ್ಥಳದ ಬಗ್ಗೆ ಯಾರಿಗೂ ಮಾಹಿತಿ ಇರಲಿಲ್ಲ. ಮಚ್ಚಕುಂಡ್ ಗೆ ಶ್ರೀ ಚೈತನ್ಯ ಮಹಾಪ್ರಭುಗಳು ಬೇಟಿ ನೀಡಿದರೆಂಬ ನಂಬಿಕೆ ಇದೆ. ಹಾಗಾಗಿ ಇದು ಒಂದು ತೀರ್ಥಯಾತ್ರಾಸ್ಥಳವೂ ಆಗಿದೆ.
ಈ ಜಲಪಾತವನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗಿದ್ದು, ಒಂದು ಭಾಗ ಒಡಿಶದಲ್ಲಿ ಹರಿಯುತ್ತಿದ್ದು, ಇನ್ನೊಂದು ಭಾಗವು ಅಂದ್ರ ಪ್ರದೇಶದಲ್ಲಿ ಹರಿಯುತ್ತದೆ. ಹೀಗಾಗಿ ಇದು ಎರಡು ರಾಜ್ಯಗಳ ಗಡಿಯಂತೆ ಗೋಚರಿಸುತ್ತದೆ. ಮಳೆಗಾಲದಲ್ಲಿ ಈ ಜಲಪಾತ ಪೂರ್ಣ ಪ್ರಮಾಣದಲ್ಲಿ ತುಂಬಿ ಹರಿದು, ಯಾತ್ರಿಗಳನ್ನು ಬೆರಗಾಗಿಸುತ್ತದೆ. ದುದುಮ ಜಲಪಾತದ ಅದ್ಭುತ ಹಾಗೂ ವೈಭವಯುತ ದೃಶ್ಯವು ಪ್ರಕೃತಿ ಸ್ನೇಹಿಗಳಿಗೆ ಪರಮಾನಂದ ಉಂಟುಮಾಡುವುದು ನಿಸ್ಸಂಶಯ.