ಬಗರ ಇಲ್ಲಿನ ಜಲಪಾತಗಳಿಗೆ ಪ್ರಸಿದ್ಧವಾಗಿದೆ. ಜೆಪೋರ್ ನಿಂದ 6 ಮೈಲಿ ದೂರದ ಖೊಂದಗುಡದಿಂದ ಕುತ್ಚ ಮಾರ್ಗವಾಗಿ ಮೂರು ಮೈಲಿ ಪ್ರಯಾಣಿಸಿದರೆ ಬಗರವನ್ನು ತಲುಪಬಹುದು. ಸುಮಾರು 30 ಅಡಿ ಎತ್ತರದಿಂದ ಧುಮುಕುವ ಮೂರು ಜಲಪಾತಗಳು ಇಲ್ಲಿವೆ. ಈ ಜಲಪಾತಗಳು ಕೊಳಬ್ ನದಿಯಲ್ಲಿವೆ.

ಜಲಪಾತದ ಹತ್ತಿರದಲ್ಲಿ ಯಾತ್ರಿಗಳಿಗೆ ಅನುಕೂಲವಾಗುವಂತೆ ಒಂದು ವಿಶ್ರಾಂತಿ ಗೃಹವನ್ನು ಕಟ್ಟಲಾಗಿದೆ. ಈ ಸ್ಥಳದ ಅಂದವನ್ನು ಇನ್ನಷ್ಟು ಹೆಚ್ಚಿಸುವ ಈ ಜಲಪಾತವನ್ನು ಹಾಗೂ ಇಲ್ಲಿನ ಪ್ರಕೃತಿ ಸೌಂದರ್ಯವನ್ನು ಸವಿಯಲು ಬಹಳಷ್ಟು ಜನರು ಇಲ್ಲಿಗೆ ಭೇಟಿ ನೀಡುತ್ತಾರೆ. ಯಾತ್ರಿಗಳು ನಿರಂತರವಾಗಿ ಧುಮ್ಮುಕ್ಕುವ ಜಲಪಾತವನ್ನು ವೀಕ್ಷಿಸಲು ಇಲ್ಲಿಗೆ ಭೇಟಿ ನೀಡುತ್ತಾರೆ.

30 ಅಡಿ ಎತ್ತರದಿಂದ ಧುಮ್ಮುಕ್ಕಿ, ಹಾಲಿನ ನೊರೆಯಂತೆ ಭಾಸವಾಗುವ ಈ ಜಲಪಾತದ ನೀರನ್ನು ನೋಡುವುದೇ ಸೊಗಸು. ಜೆಪೋರ್ ನಲ್ಲಿ ನೋಡಲೇಬೇಕಾದ ಸ್ಥಳಗಳ ಪಟ್ಟಿಯಲ್ಲಿ ಈ ಸ್ಥಳವೂ ಅಗ್ರಸ್ಥಾನದಲ್ಲಿದೆ. ಇಲ್ಲಿಗೆ ಬಸ್, ಟ್ಯಾಕ್ಸಿ ಅಥವಾ ರಿಕ್ಷಾ ಮೂಲಕ ತಲುಪಬಹುದಾಗಿದೆ.