ಇದು ಜೌನಪುರದಿಂದ 2.2ಕಿಮೀ ದೂರದಲ್ಲಿದೆ. ಇದನ್ನು ಸುಲ್ತಾನ ಇಬ್ರಾಹಿಂ ಶಾರ್ಕಿಯು 1408 ರಲ್ಲಿ ಕಟ್ಟಿಸಿದನು. ಆದರೆ ಇದಕ್ಕೆ ತಳಪಾಯವನ್ನು 1377 ರಲ್ಲಿ ದೆಹಲಿಯ ಸುಲ್ತಾನ ಮೂರನೆಯ ಫಿರೋಜ್ ಷಾ ತುಘಲಕ್ ಹಾಕಿದ್ದನು. ಹಿಂದೂ ದೇವಾಲಯ ಅಟಲ ದೇವಾಲಯವನ್ನು ಧ್ವಂಸ ಮಾಡಿ ಆ ಜಾಗದಲ್ಲಿ ಮೊದಲಿಗೆ ಮಸೀದಿಯನ್ನು ಕಟ್ಟಲಾಯಿತು. ಮಸೀದಿಗೆ ದೇವಾಲಯದ ಹೆಸರೇ ಉಳಿಯಿತು ಮತ್ತು ನೋಡಲು ಕೂಡ ದೇವಾಲಯವನ್ನು ಇದು ಹೋಲುತ್ತದೆ.
ಮಸೀದೀಯಲ್ಲಿನ ತೊಲೆಗಳು, ಖಂಬಗಳು ಮತ್ತು ಗೋಡೆಗಳು, ಗೋಪುರಗಳು ಇವು ಸುಲ್ತಾನ ಮೊಹಮದ್ ಷಾ ತುಘಲಕ್ ಮತ್ತು ಫಿರೋಜ್ ಷಾ ತುಘಲಕ್ನ ಸ್ಮಾರಕಗಳನ್ನು ಹೋಲುತ್ತವೆ. ಇದು ಬೆಗಂಪುರದ ಮಸೀದಿಯನ್ನು ಕೂಡ ಹೋಲುತ್ತದೆ. ಮಸೀದಿಯಲ್ಲಿ ಅದ್ಭುತವಾದ ಕಮಾನಿನ ಹಜಾರವಿದ್ದು ಇದು ವಿಶಾಲವಾದ ಪ್ರಾರ್ಥನಾಂಗಣಕ್ಕೆ ತೆರೆದುಕೊಳ್ಳುತ್ತದೆ. ಇಲ್ಲಿ ಮೂರು ವಿಭಿನ್ನ ಅಳತೆಯ ಗೋಪುರಗಳಿವೆ. ಜೌನಪುರದಲ್ಲಿದ ಮುಖ್ಯ ಸ್ಮಾರಕಗಳಲ್ಲಿ ಇದು ಕೂಡ ಒಂದು.