ರಜಪೂತ ಮತ್ತು ಯುರೋಪಿಯನ್ ವಾಸ್ತುಶಿಲ್ಪದ ಮಿಶ್ರಣ ಈ ನಿರ್ಮಾಣದಲ್ಲಿದೆ. ದರ್ಬಾರ್ ಗಡ್ ಅರಮನೆ ಈ ನಗರದ ಅತ್ಯಂತ ಪ್ರಮುಖ ಕಟ್ಟಡಗಳಲ್ಲೊಂದಾಗಿದೆ. ಒಂದಾನೊಂದು ಕಾಲದಲ್ಲಿ ರಾಜರ ವಾಸಸ್ಥಳವಾಗಿದ್ದ ಈ ಅರಮನೆಯನ್ನು 1540 ರಲ್ಲಿ ಕಟ್ಟಲಾಗಿತ್ತಾದರೂ ಇದನ್ನು ಮುಂದೆ ನವೀಕರಿಸಿ ಗಾತ್ರವನ್ನು ಹಿಗ್ಗಿಸಲಾಗಿತ್ತು. ಹೀಗೆ ಮುಂದೆ ನವೀಕರಣಗೊಂಡ ಕಾರಣದಿಂದಾಗಿ ಈ ಕಟ್ಟಡದಲ್ಲಿ ರಜಪೂತ ಮತ್ತು ಯುರೋಪಿಯನ್ ಶೈಲಿಯ ಮಿಶ್ರಣವನ್ನು ನಾವು ಕಾಣಬಹುದಾಗಿದೆ. ಇದು ಬಹಳ ಸುಂದರವಾದ ಅರಮನೆಯಾಗಿತ್ತು ಕೆಲವು ಸುಂದರವಾದ ಚಿತ್ರ ಪಟಗಳನ್ನು, ಕಲ್ಲಿನ ಕೆತ್ತನೆಗಳನ್ನು, ಅಲಂಕಾರಿಕ ಗಾಜುಗಳನ್ನು ಹಾಗೂ ಶಿಲ್ಪಕಲೆಗಳನ್ನು ಒಳಗೊಂಡಿದೆ. ಇಂದು ಈ ಕಟ್ಟಡವು ಖಾಲಿಯಿದೆ.