ಮುಬಾರಕ್ ಮಂಡಿ ಪ್ಯಾಲೇಸ್, ಹಿಂದಿನ ಡೋಗ್ರಾ ರಾಜರ ನಿವಾಸ ಎಂದು ಪ್ರವಾಸಿಗರ ನಡುವೆ ಪ್ರಸಿದ್ಧವಾಗಿದೆ. ಈ ಅರಮನೆಯು ಯುರೋಪಿಯನ್, ಬರೊಕ್, ರಾಜಸ್ಥಾನಿ ಮತ್ತು ಮುಘಲ್ ವಾಸ್ತುಶಿಲ್ಪ ಶೈಲಿಯ ಅನನ್ಯ ಸಂಯೋಜನೆಯನ್ನು ಹೊಂದಿದೆ. ಈ ಅರಮನೆ ಸಂಕೀರ್ಣದ ಪ್ರಮುಖ ಆಕರ್ಷಣೆ ಶೀಶ್ ಮಹಲ್ ಆಗಿದೆ. ಮುಬಾರಕ್ ಮಂಡಿ ಅರಮನೆಯ 'ಪಿಂಕ್/ಗುಲಾಬಿ ಹಾಲ್' ನಲ್ಲಿರುವ ಡೋಗ್ರಾ ಆರ್ಟ್ ವಸ್ತು ಸಂಗ್ರಹಾಲಯವೂ ಸಹ ಪ್ರವಾಸಿಗರ ನಡುವೆ ಜನಪ್ರಿಯವಾಗಿದೆ.
ಸುಂದರವಾಗಿ ಹೊಳೆಯುವ ಕೋಣೆಗಳು ಮತ್ತು ಅರಮನೆಯ ಗ್ಯಾಲರಿಗಳನ್ನು ಹಲವಾರು ಅಧಿಕೃತ ಸಭೆಗಳು ಮತ್ತು ಸಮಾರಂಭಗಳಿಗೆ ಬಳಸಲಾಗಿದೆ. ಒಂದೊಮ್ಮೆ ರಾಜವಂಶದವರು ಹಾಗು ಸಾಮಾನ್ಯ ಜನರು ಕೆಲವು ಪ್ರಮುಖ ಕಾರ್ಯಗಳಿಗೆ ಬಳಸುತ್ತಿದ್ದ ಅರಮನೆಯ ಸುಂದರವಾದ ತೋಟ ಮತ್ತು ಅಂಗಣವು, ನಗರದ ಮತ್ತು ತಾವಿ ನದಿಯ ಭವ್ಯ ನೋಟವನ್ನು ಒದಗಿಸುತ್ತದೆ. ಮುಬಾರಕ್ ಮಂಡಿ ಪ್ಯಾಲೇಸ್ ಸರ್ಕಾರಿ ನ್ಯಾಯಾಲಯಗಳು ಮತ್ತು ಕಚೇರಿಗಳನ್ನು ಒಳಗೊಂಡಿದ್ದು, ಒಂದು ಐತಿಹಾಸಿಕ ಮತ್ತು ಪುರಾತತ್ವಶಾಸ್ತ್ರದ ಗಮನಾರ್ಹ ಸ್ಥಳ ಎಂದು ಘೋಷಿಸಲ್ಪಟ್ಟಿದೆ.