ಜೈಸಲ್ಮೇರ್ ನಗರದಿಂದ 15 ಕಿ.ಮೀ ದೂರದಲ್ಲಿ ಲೋಡುರ್ವ ನೆಲೆಸಿದೆ. ಭಟ್ಟಿ ಸಾಮ್ರಾಜ್ಯದವವು ಇಲ್ಲಿ ರಾಜಾಧಾನಿಯನ್ನು ನಿರ್ಮಿಸಿ 1156 ರವರೆಗೆ ಆಳಿದರು. ಪ್ರಾಚೀನ ಜೈನ ದೇವಾಲಯ ಈ ಸ್ಥಳದ ಪ್ರಮುಖ ಆಕರ್ಷಣೆಯಾಗಿದೆ. ಜೈನರ 23ನೇ ತೀರ್ಥಂಕರನಾದ ಪಾರ್ಶ್ವನಾಥದೇವನಿಗಾಗಿ ಈ ದೇವಾಲಯವನ್ನು ನಿರ್ಮಿಸಲಾಗಿದೆ. ಈ ದೇವಾಲಯ ಸುಸ್ಥಿತಿಯಲ್ಲಿಲ್ಲದಿದ್ದರು ಹಳದಿ ಮರಳುಗಲ್ಲುಗಳಿಂದ ಕೂಡಿದ್ದು, ಪ್ರತ್ಯೇಕವಾದ ರಜಪೂತ್ ಜಾಲಿ ಕಲೆಯಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ. ಪ್ರವಾಸಿಗರು ಇಲ್ಲಿ ಸುಂದರವಾದ ದಿಲ್ವಾರ್ ಶೈಲಿಯಲ್ಲಿರುವ ಕಮಾನುಗಳನ್ನು ಕಾಣಬಹುದು.ಹಿಂಗಲಜ ಮಾತಾ ದೇವಾಲಯ, ಚಾಮುಂಡಿ ದೇವಿಯ ದೇವಾಲಯ ಮತ್ತು ಹಳೆಯ ಶಿವನ ದೇವಾಲಯಗಳು ಈ ಸ್ಥಳದ ಇನ್ನಿತರ ಪ್ರಧಾನ ಆಕರ್ಷಣೆಗಳಾಗಿವೆ. ಈ ಐತಿಹಾಸಿಕ ಸ್ಥಳವು ಥಾರ್ ಮರುಭೂಮಿಯ ಪ್ರಾಚೀನ ವ್ಯಾಪಾರಿ ಮಾರ್ಗದಲ್ಲಿ ನೆಲೆಸಿದೆ.