ಅಮರ್ ಸಾಗರ್ ಕೆರೆಯ ದಂಡೆಯ ಮೇಲಿರುವ ಅಮರ್ ಸಿಂಗ್ ಅರಮನೆಯು ಒಂದು ಸುಂದರವಾದ ಅರಮನೆಯಾಗಿದೆ. ಈ ನೀರಿನ ತಾಣವು ಹಲವಾರು ಕಲ್ಲಿನಿಂದ ಕೆತ್ತಲಾದ ಪ್ರಾಣಿಗಳ ಮುಖದ ಶಿಲೆಗಳಿಂದ ಸುತ್ತವರೆದಿದೆ. ನಂಬಿಕೆಗಳ ಪ್ರಕಾರ ಇವುಗಳು ರಾಜ ಪರಿವಾರದವರ ರಕ್ಷಕರೆಂದು ನಂಬಲಾಗಿದೆ. ಈ ಪ್ರಾಚೀನ ಸ್ಮಾರಕವು ಜೈಸಲ್ಮೇರ್ ನಗರದಿಂದ ಕೇವಲ 7 ಕಿ.ಮೀ ದೂರದಲ್ಲಿದೆ. ಈ ಅರಮನೆಯನ್ನು 17 ನೇ ಶತಮಾನದಲ್ಲಿ ರಾಜ ಮಹರವಾಲ್ ಅಖೈ ಸಿಂಗನು ಅಮರ್ ಸಿಂಗ್ ರ ಗೌರವಾರ್ಥವಾಗಿ ನಿರ್ಮಿಸಿದನು. ಈ ಅರಮನೆಯು ಮೊಗಸಾಲೆಗಳನ್ನು ಹೊಂದಿದ್ದು, ಅಮರ್ ಸಾಗರ್ ಕೆರೆಯ ಕಡೆಗೆ ಸಾಗುವ ಮೆಟ್ಟಿಲುಗಳನ್ನು ಸಹ ಹೊಂದಿದೆ. ಪ್ರವಾಸಿಗರು ಈ ಐದಂತಸ್ತಿನ ಕಟ್ಟಡದ ಗೋಡೆಗಳಲ್ಲಿ ಹಲವಾರು ಆಕರ್ಷಕ ಚಿತ್ರಕಲೆಯನ್ನು ನೋಡಬಹುದು. ಈ ಕಟ್ಟಡದ ಸಂಕೀರ್ಣದಲ್ಲಿ ಹಲವಾರು ಕೊಳಗಳನ್ನು, ಗೋಡೆಗಳನ್ನು ಮತ್ತು ಒಂದು ಶಿವನ ದೇವಾಲಯವನ್ನು ಕಾಣಬಹುದು.