ಜೈಪುರದ ಹವಾ ಮಹಲ್ನ್ನು ಕಟ್ಟಿಸಿದ್ದು ಸವಾಯಿ ಪ್ರತಾಪ್ ಸಿಂಗ್. ಇದನ್ನು 1799 ರಲ್ಲಿ ಕಟ್ಟಿಸಿದ. ಜೊಹಾರಿ ಬಜಾರ್ನ ಸಮೀಪದಲ್ಲಿ ಈ ಐದು ಅಂತಸ್ತಿನ ಕಟ್ಟಡವಿದೆ. ಕೆಂಪು ಮತ್ತು ಗುಲಾಬಿ ಬಣ್ಣದ ಕಲ್ಲುಗಳಿಂದ ಇದನ್ನು ನಿರ್ಮಿಸಲಾಗಿದೆ. ಈ ಕಟ್ಟಡದ ವಿನ್ಯಾಸವನ್ನು ಮಾಡಿದ್ದು ಲಾಲ್ ಚಂದ್ ಉಸ್ತಾ. ಈ ಕಟ್ಟಡಕ್ಕೆ 950ಕ್ಕೂ ಹೆಚ್ಚು ಕಿಟಕಿಗಳಿವೆ. ಅರಮನೆಯು ಮಹಿಳೆಯರಿಗಾಗಿ ನಿರ್ಮಿಸಲಾಗಿದ್ದು, ಅಲ್ಲಿರುವ ಜಾಲಿ ತೆರೆಗಳ ಮೂಲಕ ಮಹಿಳೆಯರು ಅರಮನೆಯ ಕಾರ್ಯಕ್ರಮಗಳನ್ನು ನೋಡಲು ಅನುಕೂಲವಾಗುವಂತೆ ಮಾಡಲಾಗಿದೆ. ಈ ಕಟ್ಟಡದಲ್ಲಿ ಆರ್ಕಿಯಲಾಜಿಕಲ್ ಮ್ಯೂಸಿಯಂ ಇದೆ.