ತ್ರಿಪುರ ಸುಂದರಿ ದೇವಾಲಯವು ತಿವಾರ್ ಹಳ್ಳಿಯಲ್ಲಿದೆ. ಇದು ಬೇದಾಘಾಟ್ ರಸ್ತೆಯಲ್ಲಿ ಜಬಲ್ಪೂರದಿಂದ 13 ಕಿಮೀ ದೂರದಲ್ಲಿದೆ. ಈ ದೇವಾಲಯವನ್ನು 11ನೆಯ ಶತಮಾನದಲ್ಲಿ ನಿರ್ಮಿಸಲಾಗಿದೆ. ಈ ದೇವಾಲಯದ ಮೂರ್ತಿ ಭೂಮಿಯಿಂದ ಉದ್ಭವವಾಗಿರುವುದಂತೆ. ತ್ರಿಪುರ ಎಂದರೆ ಮೂರು ನಗರಗಳು ಎಂದರ್ಥ ಮತ್ತು ಸುಂದರಿ ಎಂದರೆ ಸುಂದರವಾದ ಮಹಿಳೆ ಎಂದರ್ಥ. ಆದ್ದರಿಂದ ಇದನ್ನು “ಮೂರು ನಗರಗಳ ಸುಂದರ ದೇವತೆಯ” ದೇವಾಲಯ ಎಂದು ಕರೆಯುವರು. ಶಾಕ್ತ ಪಂಥದ ನಂಬಿಕೆಯ ಪ್ರಕಾರ ಈ ದೇವತೆ ಶಕ್ತಿಗೆ ಪ್ರತೀಕ. ದಸರಾ ಹಬ್ಬದ ಸಮಯದಲ್ಲಿ ಇಲ್ಲಿಗೆ ಬರುವ ಭಕ್ತಾದಿಗಳು ಸಂಖ್ಯೆ ಹೆಚ್ಚಿರುತ್ತದೆ. ಸಂನ್ಯಾಸಿಗಳು ಮತ್ತು ಧರ್ಮಗುರುಗಳು ಈ ದೇವಾಲಯದ ಸೌಂದರ್ಯವನ್ನು ಹಾಡಿ ಹೊಗಳಿದ್ದಾರೆ.