ಜಬಲ್ಪೂರವನ್ನು 11 ನೇಯ ಶತಮಾನದಲ್ಲಿ ಆಳಿದ ಅರಸರು ಕಟ್ಟಿದ ಕೋಟೆ ಮದನ ಮಹಲ್ ಕೋಟೆ. ನಗರದಿಂದ ಸ್ವಲ್ಪ ದೂರದಲ್ಲಿ ಬೆಟ್ಟದ ಮೇಲಿರುವ ಈ ಕೋಟೆಯನ್ನು ರಾಜ ಮದನ್ಸಿಂಗ್ ಕಟ್ಟಿಸಿದನು. ಇದು ಅವನ ತಾಯಿ ರಾಣಿ ದುರ್ಗಾವತಿಗೆ ಕೂಡ ಸೇರಿದ್ದು. ಈಗ ಈ ಕೋಟೆ ಶಿಥಿಲಾವಸ್ಥೆಯಲ್ಲಿದೆ. ಇದು ರಾಣಿ ದುರ್ಗಾವತಿಯ ಆಳ್ವಿಕೆ ಮತ್ತು ಸೈನ್ಯದ ಕತೆಯನ್ನು ಹೇಳುತ್ತದೆ. ಇಲ್ಲಿನ ಅಂತಃಪುರ, ಯುದ್ಧದ ಸಾಮಾನುಗಳ ಕೊಠಡಿಗಳು, ಸಣ್ಣ ಕಾಲುವೆ ಇವು ನೋಡಲು ಮತ್ತು ಪ್ರಶಂಸಿಸಲು ಯೋಗ್ಯವಾಗಿದೆ. ಇದು ಕಳೆದ ಕಾಲದ ರಾಜಮನೆತನದ ದಿನಗಳ ಕತೆ ಹೇಳುತ್ತದೆ. ಈ ಕೋಟೆ ಭಾರತದ ಪುರಾತನ ಸ್ಮಾರಕಗಳಲ್ಲಿ ಒಂದು.