ನರ್ಮದ ನದಿಗೆ ಕಟ್ಟಲಾಗಿರುವ ಮುಖ್ಯವಾದ ಅಣೆಕಟ್ಟುಗಳಲ್ಲಿ ಬಾರ್ಗಿ ಅಣೆಕಟ್ಟು ಕೂಡ ಒಂದು. ಇದು ನದಿಗೆ ಆರಂಭದಲ್ಲಿ ಕಟ್ಟಲಾದ 30 ಅಣೆಕಟ್ಟುಗಳಲ್ಲಿ ಒಂದು. ಈ ಅಣೆಕಟ್ಟು ಜಬಲ್ಪೂರ ಮತ್ತು ಸುತ್ತಮುತ್ತಲ ಪ್ರದೇಶಗಳಿಗೆ ನೀರು ಒದಗಿಸುತ್ತದೆ. ಬಾರ್ಗಿ ಡೈವರ್ಷನ್ ಪ್ರಾಜೆಕ್ಟ್ ಮತ್ತು ರಾಣಿ ಅವಂತಿಬಾಯಿ ಲೋಧಿ ಸಾಗರ ಯೋಜನೆಗಳು ಈ ಅಣೆಕಟ್ಟಿನಿಂದ ಕೈಗೊಂಡಿರುವ 2 ಪ್ರಮುಖ ನೀರಾವರಿ ಯೋಜನೆಗಳು.
ಹಲವು ವರ್ಷಗಳಿಂದ ಈ ಅಣೆಕಟ್ಟು ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿದೆ. ಮಧ್ಯಪ್ರದೇಶದ ಸರ್ಕಾರವು ಸ್ವಯಂ ಆಸಕ್ತಿಯಿಂದ ಅಣೆಕಟ್ಟಿನ ಬಳಿ ರೆಸಾರ್ಟ್ ನಿರ್ಮಿಸಿದೆ. ಇದು ಅಣೆಕಟ್ಟು ಮತ್ತು ಕಾಲುವೆಯ ಸಮಗ್ರ ನೋಟವನ್ನು ಪ್ರವಾಸಿಗರಿಗೆ ಒದಗಿಸುತ್ತದೆ. ಇಲ್ಲಿ ದೋಣಿ ವಿಹಾರ, ಮೀನು ಶಿಕಾರಿ, ವಾಟರ್ ಸ್ಕೂಟರ್ ಇತ್ಯಾದಿ ಸೌಲಭ್ಯಗಳಿವೆ. ಅಷ್ಟೇ ಅಲ್ಲದೆ ಇಲ್ಲಿ ಮೈನಾ, ಗಿಳಿ, ಪಾರಿವಾಳ ಮತ್ತು ಕಪ್ಪು ಗುಬ್ಬಚ್ಚಿಗಳನ್ನು ನೋಡಬಹುದು. ಪಕ್ಷಿವಿಜ್ಞಾನದ ವಿದ್ಯಾರ್ಥಿಗಳು ಇಲ್ಲಿಗೆ ಭೇಟಿ ನೀಡಲೇ ಬೇಕು.