ಇಂದೋರ್ ವಸ್ತು ಸಂಗ್ರಹಾಲಯವು ಇಂದೋರಿನ ಪರಂಪರೆಯನ್ನು ಪ್ರವಾಸಿಗರಿಗಾಗಿ ಸಂರಕ್ಷಿಸಿ ತೋರಿಸಲು ಇರುವ ಸ್ಥಳವಾಗಿದೆ. ಇಂದೋರ್ ವಸ್ತು ಸಂಗ್ರಹಾಲಯವನ್ನು ಕೇಂದ್ರ ವಸ್ತು ಸಂಗ್ರಹಾಲಯ ಎಂಬ ಹೆಸರಿನಿಂದ ಸಹ ಕರೆಯುತ್ತಾರೆ. ಈ ವಸ್ತು ಸಂಗ್ರಹಾಲಯವು ಪ್ರಾಚೀನ ಕಾಲದಲ್ಲಿ ಜನರು ಹೇಗೆ ಜೀವಿಸುತ್ತಿದ್ದರು, ಅವರು ಜೀವನ ಶೈಲಿ ಹೇಗಿತ್ತು ಮತ್ತು ಪ್ರಸ್ತುತ ಅದು ಎಲ್ಲಿಗೆ ಬಂದು ನಿಂತಿದೆ ಎಂಬುದನ್ನು ಇಲ್ಲಿಗೆ ಭೇಟಿ ಕೊಡುವವರಿಗೆ ಪರಿಚಯಿಸುತ್ತಿರುತ್ತದೆ. ಈ ವಸ್ತು ಸಂಗ್ರಹಾಲಯದಲ್ಲಿ ಪರ್ಮರ್ ಶಿಲ್ಪಗಳನ್ನು ನಾವು ನೋಡಬಹುದು. ಇಂದೋರ್ ಈ ಅನುಪಮವಾದ ಪರ್ಮರ್ ಶಿಲ್ಪಗಳ ತವರೂರಾಗಿದೆ.
ಈ ವಸ್ತು ಸಂಗ್ರಹಾಲಯದಲ್ಲಿ ಮಧ್ಯಪ್ರದೇಶದ ವಿವಿಧ ಹಿಂದೂ ಮತ್ತು ಜೈನ ಮೂರ್ತಿಗಳ ಶಿಲ್ಪಗಳನ್ನು ನಾವು ಇಲ್ಲಿ ಕಾಣಬಹುದು. ಇದರ ಜೊತೆಗೆ ಈ ವಸ್ತು ಸಂಗ್ರಹಾಲಯದಲ್ಲಿ ಪೂರ್ವ ಇತಿಹಾಸಕಾಲದ ಕಲಾವಸ್ತುಗಳು, ನಾಣ್ಯಗಳ ಸಂಗ್ರಹಣೆ, ಆಯುಧಗಳು, ಪುರಾಣ ಪಾತ್ರಗಳ ಕೆತ್ತನೆಗಳನ್ನು ಹಾಗು ಇತ್ಯಾದಿ ವಸ್ತುಗಳನ್ನು ನಾವು ಇಲ್ಲಿ ಕಾಣಬಹುದು. ಇತಿಹಾಸದ ಕುರಿತಾಗಿ ತಿಳಿದುಕೊಳ್ಳಲು ಈ ಸ್ಥಳವು ಹೇಳಿ ಮಾಡಿಸಿದ ತಾಣವಾಗಿದೆ. ಇಲ್ಲಿಗೆ ಭೇಟಿ ನೀಡುವ ಜನರು ಇಂದೋರಿನ ಶ್ರೀಮಂತ ಪರಂಪರೆಗೆ ಮಾರುಹೋಗುತ್ತಾರೆ. ಆಗಾಗಿ ಇದು ಇಂದೋರಿನಲ್ಲಿ ಇತಿಹಾಸದ ಕುರಿತಾಗಿ ತಿಳಿದುಕೊಳ್ಳಲು ಬಯಸುವವರನ್ನು ಕೈಬೀಸಿ ಕರೆಯುತ್ತಿದೆ.