ಇಂದೋರಿನಲ್ಲಿರುವ ಒಂದು ಬೆಟ್ಟದ ಮೇಲೆ ನೆಲೆಗೊಂಡಿರುವ ಬಿಜಸೆನ್ ಟೇಕ್ರಿಯು, ಬಿಜಸೆನ್ ಮಾತಾರವರ ಒಂದು ಸುಂದರವಾದ ದೇವಾಲಯವಾಗಿದೆ. ಬಿಜಸೆನ್ ಮಾತಾ ಎಂಬುದು ದುರ್ಗಾ ದೇವಿಯ ಒಂದು ರಹಸ್ಯ ಅವತಾರವೆಂದು ನಂಬಲಾಗುತ್ತದೆ. ಬಿಜಸೆನ್ ಟೇಕ್ರಿ ಎಂದೆ ಖ್ಯಾತಿ ಪಡೆದಿರುವ ಈ ಸಣ್ಣ ದೇವಾಲಾಯವನ್ನು 1920ರಲ್ಲಿ ನಿರ್ಮಾಣ ಮಾಡಲಾಯಿತು. ಈ ದೇವಾಲಯದ ಬಳಿಯಿಂದ ನಾವು ಕೆಳಗೆ ಇರುವ ನಗರದ ನಯನ ಮನೋಹರವಾದ ಪಕ್ಷಿನೋಟವನ್ನು ಕಾಣಬಹುದು. ಪ್ರತಿ ವರ್ಷ ನವರಾತ್ರಿಯ ಸಮಯದಲ್ಲಿ ಇಲ್ಲಿ ಜಾತ್ರೆಯು ಜರುಗುತ್ತದೆ. ಈ ಜಾತ್ರೆಗೆ ಹತ್ತಿರದ ಮತ್ತು ದೂರದ ಊರುಗಳಿಂದ ಭಕ್ತಾಧಿಗಳು ಆಗಮಿಸುತ್ತಿರುತ್ತಾರೆ.
ಈ ಬೆಟ್ಟದ ಮೇಲಿನಿಂದ ಸೂರ್ಯಾಸ್ತಮಾನವನ್ನು ನೋಡುವುದು ನಿಜಕ್ಕೂ ಒಂದು ಚೇತೋಹಾರಿ ಅನುಭವವಾಗಿರುತ್ತದೆ. ಈ ದೇವಾಲಯಕ್ಕೆ ಸಮೀಪದಲ್ಲಿ ಹೋಳ್ಕರ್ ರಾಜರ ಅತಿಥಿ ಗೃಹವಿದೆ. ಆದರೆ ಇಂದು ಇದನ್ನು ಗಡಿ ರಕ್ಷಣಾ ಪಡೆಯ ವಸ್ತು ಸಂಗ್ರಹಾಲಯವನ್ನಾಗಿ ಪರಿವರ್ತಿಸಲಾಗಿದೆ. ಇಂದೋರಿಗೆ ಭೇಟಿ ನೀಡುವ ಪ್ರವಾಸಿಗರು ಚಿಕ್ಕದಾದರು ಸುಂದರವಾಗಿರುವ ಈ ದೇವಾಲಯಕ್ಕೆ ತಪ್ಪದೆ ಭೇಟಿ ನೀಡಲು ಸಾಧ್ಯವಾಗುವಂತೆ ಯೋಜನೆ ಹಾಕಿಕೊಳ್ಳುವುದು ಉತ್ತಮ. ಈ ದೇವಾಲಯಕ್ಕೆ ಇಂದೋರಿನ ವಿಮಾನ ನಿಲ್ದಾಣ ಮತ್ತು ರೈಲು ನಿಲ್ದಾಣಗಳಿಂದ ಸುಲಭವಾಗಿ ತಲುಪಬಹುದು.