ಬಡಾ ಗಣಪತಿ ದೇವಾಲಯವು ಇಂದೋರಿನ ಪ್ರಸಿದ್ಧ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯವು ತನ್ನಲ್ಲಿರುವ ಬೃಹತ್ ಗಣಪತಿ ವಿಗ್ರಹಕ್ಕಾಗಿ ಖ್ಯಾತಿ ಪಡೆದಿದೆ. ಇದು 25 ಅಡಿ ಎತ್ತರವಾಗಿದ್ದು, ವಿಶ್ವದಲ್ಲಿಯೇ ಅತ್ಯಂತ ದೊಡ್ಡ ಗಣಪತಿ ವಿಗ್ರಹವೆಂಬ ಕೀರ್ತಿಯನ್ನು ಪಡೆದಿದೆ.
ಈ ದೇವಾಲಯವನ್ನು 1875ರಲ್ಲಿ ನಿರ್ಮಿಸಲಾಯಿತು. ದಂತ ಕಥೆಯ ಪ್ರಕಾರ, ಅವಂತಿಕಾ ನಗರದ ( ಉಜ್ಜಯಿನಿ) ಶ್ರೀ ಡಧಿಚ್ ಎಂಬಾತನಿಗೆ ಗಣಪತಿಯು ಕನಸಿನಲ್ಲಿ ಬಂದನಂತೆ, ಆತ ಮಾರನೆಯ ದಿನ ಎದ್ದು ಗಣಪತಿ ವಿಗ್ರಹವನ್ನು ನಿರ್ಮಿಸುವ ನಿರ್ಧಾರವನ್ನು ಮಾಡಿದನಂತೆ. ಈ ವಿಗ್ರಹದ ನಿರ್ಮಾಣಕ್ಕೆ ಬಳಸಲಾಗಿರುವ ವಸ್ತುಗಳು ನಿಜಕ್ಕೂ ಕುತೂಹಲ ಕೆರಳಿಸುತ್ತದೆ. ಈ ವಿಗ್ರಹದ ನಿರ್ಮಾಣದಲ್ಲಿ ಇಟ್ಟಿಗೆ, ಸುಣ್ಣ, ಬೆಲ್ಲ ಮತ್ತು ಏಳು ಪವಿತ್ರ ಪುರಿಗಳಿಂದ ಮಣ್ಣನ್ನು ಹಾಗು ಕುದುರೆ, ಹಸು ಮತ್ತು ಲಾಯಗಳಿಂದ ಮಣ್ಣನ್ನು, ಪಂಚರತ್ನ( ವಜ್ರ, ಹವಳ, ಮುತ್ತು , ಪಚ್ಚೆ ಮತ್ತು ಪುಷ್ಯರಾಗ) ಗಳ ಪುಡಿಯನ್ನು, ಎಲ್ಲಾ ಪವಿತ್ರ ಯಾತ್ರಸ್ಥಳಗಳಲ್ಲಿ ದೊರೆಯುವ ತೀರ್ಥವನ್ನು ಬಳಸಿಕೊಳ್ಳಲಾಗಿದೆ. ಇಲ್ಲಿನ ಪ್ರಭಾವಳಿಯಲ್ಲಿ ಚಿನ್ನ, ಬೆಳ್ಳಿ, ಕಂಚು, ತಾಮ್ರ ಮತ್ತು ಕಬ್ಬಿಣವನ್ನು ಬಳಸಲಾಗಿದೆ.