ಇಡುಕ್ಕಿ ಜಿಲ್ಲೆಯ ತೊಡುಪುಳ ಊರಿನಿಂದ 17 ಕಿ.ಮಿ ದೂರದಲ್ಲಿ 1500 ಮೀ. ಎತ್ತರದಿಂದ  ಬೀಳುವ ಜಲಪಾತ ತೋಮಾನ್ಕುತ್ತು. ಇದು ಸಣ್ಣದಾದರೂ ಬಹಳ ಮನಮೋಹಕವಾಗಿದೆ. ಹಸಿರು ವಾತಾವರಣದ ನಡುವೆ ಇರುವ ಈ ಜಲಪಾತವು ಏಳು ಹಂತಗಳಲ್ಲಿ ತಳ ಸೇರುತ್ತದೆ. ಪ್ರತೀ ಹಂತದಲ್ಲೂ ಸುಂದರವಾದ ಕೂಳವನ್ನು ಒಳಗೊಂಡಿದ್ದು, ಇವುಗಳನ್ನು ನೋಡುವುದೇ ಚಿತ್ತಾಕರ್ಷಕ. ಇದನ್ನು ನೋಡುವುದಕ್ಕಾಗಿಯೇ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಆಗಮಿಸುತ್ತರೆ. ತೋಮಾನ್ ಎಂಬ ವ್ಯಕ್ತಿ ಈ ನದಿ ದಾಟುತ್ತಿದ್ದಾಗ ರಭಸದಿಂದ ಬಂದ ಪ್ರವಾಹಕ್ಕೆ ಕೊಚ್ಚಿ ಹೋಗಿದ್ದ ಕಾರಣ  ಈ ಜಲಪಾತಕ್ಕೆ ತೋಮಾನ ಎಂದು ಹೆಸರಿಡಲಾಗಿದೆ. ಮೀನುಗಾರಿಕೆ, ದೋಣಿವಿಹಾರ, ಕುದರೆಸಾವರಿ ಮುಂತಾದವುಗಳು ಇಲ್ಲಿನ ಮತ್ತಷ್ಟು ವಿಶೇಷಗಳು.