ಎರ್ನಾಕುಲಮ್ ನಲ್ಲಿ ತಟ್ಟೆಕಾಡ್ ಪಕ್ಷಿಧಾಮ ಇದೆ. ಇದನ್ನು ಸಲೀಂ ಅಲಿ ಪಕ್ಷಿಧಾಮ ಎಂಬ ಹೆಸರಿನಿಂದಲೂ ಕರೆಯುತ್ತಾರೆ. ಪಕ್ಷಿಪ್ರಿಯರಿಗೆ ಈ ಪಕ್ಷಿಧಾಮದಲ್ಲಿ ಓಡಾಡುವುದೆಂದರೆ ಹಬ್ಬದ ವಾತಾವರಣ. ಉಭಯವಾಸಿ ಪ್ರಾಣಿಗಳಿಗೂ ಈ ಧಾಮ ಪ್ರಸಿದ್ಧವಾಗಿದೆ. ನವೆಂಬರ್ ನಿಂದ ಜೂನ್ ತಿಂಗಳವರೆಗೆ ಎಲ್ಲೆಲ್ಲಿಂದಲೋ ಹಲವಾರು ತರಹದ ಪಕ್ಷಿಗಳು ಇಲ್ಲಿಗೆ ವಲಸೆ ಬರುತ್ತದೆ. ಹಾಗಾಗಿ ಪಕ್ಷಿಪ್ರಿಯರು ಈ ಸಮಯದಲ್ಲಿ ಭೇಟಿ ಕೊಡುವುದು ಉತ್ತಮ. ಗೂಬೆ, ಹದ್ದು, ಬ್ಲೂ ಬರ್ಡ್ ಸೇರಿದಂತೆ ಇನ್ನೂ ಅನೇಕ ಪಕ್ಷಿಗಳು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಪಕ್ಷಿಗಳ ಹೊರತಾಗಿ ನೀವು ಟ್ಯಾಕ್ಸಿಡರ್ಮಿ ಮ್ಯೂಸಿಯಂಗೆ ಭೇಟಿಕೊಡಬಹುದು. ಇದು ಬೆಳಗ್ಗೆ 8 ರಿಂದ ಸಂಜೆ 6 ರ ವರೆಗೂ ತೆರೆದಿರುತ್ತದೆ.