ಸ್ನೋ ವರ್ಲ್ಡ್ ಎಂಬುದು ಹೈದರಬಾದಿನಲ್ಲಿರುವ ಒಂದು ಮನೋರಂಜನಾ ತಾಣವಾಗಿದ್ದು, ಈ ಬಗೆಯಲ್ಲಿ ಇದು ದೇಶದ ಪ್ರಪ್ರಥಮ ಮನೋರಂಜನಾ ತಾಣವೆಂಬ ಕೀರ್ತಿಗೆ ಪಾತ್ರವಾಗಿದೆ. ಇದನ್ನು ಸಾರ್ವಜನಿಕರಿಗಾಗಿ 2004ನೇ ಇಸವಿಯಲ್ಲಿ ತೆರೆಯಲಾಯಿತು. ಇದು ಒಂದು ದಿನಕ್ಕೆ ಸುಮಾರು 2400 ಜನರಿಗೆ ಪ್ರವೇಶಾವಕಾಶವನ್ನು ಒದಗಿಸುವ ಮಟ್ಟಿಗೆ ಇದೆ. ಹೆಸರೆ ಸೂಚಿಸುವಂತೆ ಈ ಉದ್ಯಾನವನದಲ್ಲಿ ಕೃತಕವಾಗಿ ಸುರಿಯುವ ಹಿಮ ಮತ್ತು ಹಿಮವರ್ಷವನ್ನು ಅನುಭವಿಸಬಹುದು. ಹಿಮದ ಪದರಗಳು ಈ ಉದ್ಯಾನವನದ ನೆಲದ ಮೇಲೆ ಬಿದ್ದಿರುತ್ತವೆ. ಪ್ರವಾಸಿಗರು ಇಲ್ಲಿ ಹಿಮದ ಚೆಂಡುಗಳನ್ನು ಮಾಡಿ ಇತರರ ಮೇಲೆ ತೂರಬಹುದು ಹಾಗು ಹಿಮದಲ್ಲಿ ಮಾನವನ ಗೊಂಬೆಗಳನ್ನು ನಿರ್ಮಿಸಬಹುದು.
ಈ ಹಿಮವನ್ನು ನಾಲ್ಕು ಬಾರಿ ಶುದ್ಧೀಕರಿಸಿದ ನೀರಿನಿಂದ ತಯಾರು ಮಾಡಲಾಗಿರುತ್ತದೆ. ಹಾಗಾಗಿ ಇದು ಮಕ್ಕಳಿಗು ಸಹ ಅತ್ಯಂತ ಸುರಕ್ಷಿತ. ನೀವು ಈ ಉದ್ಯಾನವನಕ್ಕೆ ಭೇಟಿಕೊಡುವ ಮೊದಲು ಇಲ್ಲಿನ ಚಳಿಯಿಂದ ರಕ್ಷಿಸಿಕೊಳ್ಳಲು ದಪ್ಪನಾದ ಉಣ್ಣೆಯ ಬಟ್ಟೆಗಳನ್ನು ಧರಿಸಿರಬೇಕಾದುದು ಅತ್ಯಾವಶ್ಯಕ. ನೀವು ಇದರೊಳಗೆ ಕಾಲಿಟ್ಟ ಕೂಡಲೆ ನಿಮಗೆ ಬಿಸಿ ಬಿಸಿಯಾದ ಸೂಪ್ ಅನ್ನು ಒದಗಿಸುತ್ತಾರೆ. ಇದು ನಿಮ್ಮ ದೇಹವನ್ನು ಬೆಚ್ಚಗೆ ಮಾಡುತ್ತದೆ. ಈ ಪಾರ್ಕಿನ ಒಳಗಡೆ ಟ್ಯೂಬ್ ಸ್ಲೈಡ್, ಐಸ್-ಬಂಪಿಂಗ್ ಕಾರುಗಳು, ಐಸ್ ಸ್ಕೇಟಿಂಗ್ ರಿಂಕ್, ಸ್ನೋ ವಾರ್ ಝೋನ್ ಮತ್ತು ಹಿಮದ ಜಾರು ಬಂಡಿಗಳನ್ನು ಕಾಣಬಹುದು.