ಹೈದರಬಾದ್ ಬೊಟಾನಿಕಲ್ ಉದ್ಯಾನವನವನ್ನು ಕೋಟ್ಲಾ ವಿಜಯಭಾಸ್ಕರ ರೆಡ್ಡಿ ಬೊಟಾನಿಕಲ್ ಉದ್ಯಾನವನವೆಂದು ಸಹ ಕರೆಯಲ್ಪಡುತ್ತದೆ. ಇದು ಸ್ಥಳೀಯರ ಮತ್ತು ಪ್ರವಾಸಿಗರ ವಲಯದಲ್ಲಿ ಅತ್ಯಂತ ಜನಪ್ರಿಯ ಉದ್ಯಾನವನವಾಗಿದೆ. ಈ ಉದ್ಯಾನವನವು ಹೈ- ಟೆಕ್ ಸಿಟಿಗೆ ಸಮೀಪದಲ್ಲಿ ನೆಲೆಗೊಂಡಿದೆ. ಇದು ಹೈದರಬಾದ್ ರೈಲು ನಿಲ್ದಾಣದಿಂದ 16 ಕಿ.ಮೀ ದೂರದಲ್ಲಿದೆ. ಈ ಉದ್ಯಾನವನವು ಹೈದರಬಾದ್- ಮುಂಬಯಿ ಹೆದ್ದಾರಿಯಲ್ಲಿ ನೆಲೆಗೊಂಡಿದೆ. ಈ ಉದ್ಯಾನವನವನ್ನು ಮುಖ್ಯವಾಗಿ ಬೀಜೋತ್ಪತಿ ಮತ್ತು ಸಂರಕ್ಷಣಾ ಕಾರ್ಯಕ್ಕಾಗಿ ಬಳಸಲಾಗುತ್ತಿದೆ. ಈ ಕಾರ್ಯಕ್ಕೆ ಅನುಕೂಲಕರವಾದ ಆಧುನಿಕ ಉಪಕರಣಗಳನ್ನು ಇಲ್ಲಿ ಉಪಯೋಗಿಸಲಾಗುತ್ತಿದೆ.
ಈ ಉದ್ಯಾನವನವನ್ನು ವಿಹಾರದ ಉದ್ದೇಶಕ್ಕಾಗಿಯಷ್ಟೇ ಅಲ್ಲದೆ ಜನರಿಗೆ ನಗರದ ಸುತ್ತ ಮುತ್ತ ಇರುವ ಸಸ್ಯ ಮತ್ತು ಪ್ರಾಣಿ ಪ್ರಭೇದಗಳ ಸಂರಕ್ಷಣೆ ಮಾಡುವ ಬಗೆ ಹೇಗೆ? ಎಂದು ತಿಳಿಸುವ ಶೈಕ್ಷಣಿಕ ಉದ್ದೇಶಕ್ಕಾಗಿಯು ಸಹ ಬಳಸಲಾಗುತ್ತದೆ. ಈ ಸಸ್ಯೋದ್ಯಾನವನದಲ್ಲಿ ಸಾರ್ವಜನಿಕರಿಗಾಗಿ ಐದು ವಿಭಾಗಗಳನ್ನು ತೆರೆದಿಡಲಾಗಿದೆ. ಈ ವಿಭಾಗಗಳಲ್ಲಿ ಔಷಧೀಯ ಗಿಡಮೂಲಿಕೆಗಳು, ಅಲಂಕಾರಿಕ ಸಸ್ಯಗಳು, ಜಲ ಸಸ್ಯಗಳು, ಮರಮುಟ್ಟುಗಳಿಗಾಗಿ ಬಳಸಲಾಗುವ ಮರಗಳು, ಬಿದಿರಿನ ಬೊಂಬುಗಳು, ಹಣ್ಣಿನ ಮರಗಳು ಮತ್ತು ಇತ್ಯಾದಿ ಮರಗಳನ್ನು ಕಾಣಬಹುದು. ನೀವು ಪರಿಸರ ಆಸಕ್ತರಾಗಿಲ್ಲದಿದ್ದರು ಸಹ ಈ ಉದ್ಯಾನವನಕ್ಕೆ ಒಂದು ಭೇಟಿಕೊಡುವುದರಿಂದ ಒಂದು ಸುಂದರವಾದ ಉದ್ಯಾನವನವನ್ನು ನೋಡಿದ ಸಾರ್ಥಕತೆಯನ್ನು ನಿಮ್ಮದಾಗಿಸಿಕೊಳ್ಳಬಹುದು. ಈ ಉದ್ಯಾನವನದಲ್ಲಿ ಸುಂದರವಾದ ಹುಲ್ಲು ಹಾಸುಗಳು, ನೀರಿನ ಕಾರಂಜಿ ಮತ್ತು ಕೊಳಗಳು ಹಾಗು ತಿರುಗುವ ಬೆಟ್ಟಗಳ ನೋಡುಗರ ಕಣ್ಮನವನ್ನು ಸೆಳೆಯುತ್ತವೆ.