ನಾಲ್ವರು ಖ್ಯಾತ ಸೂಫಿ ಸಂತರ ಗೋರಿಗಳಿರುವ ಕಟ್ಟಡವಾಗಿರುವ ದರ್ಗಾ ಚಾರ್ ಕುತಬ್ ಹಿಸಾರ್ ಬಳಿ ಹಂಸಿ ನಗರದಲ್ಲಿದೆ. ಕುತಬ್ ಎಂದರೆ ಜನರಿಗೆ ಆದರ್ಶವಾಗಿರುವ ಸಂತ ಎಂದು ಅರ್ಥ. ಇಲ್ಲಿ ಸಮಾಧಿಗೊಳಗಾಗಿರುವ ಪ್ರಸಿದ್ಧ ಸೂಫಿ ಸಂತರೆಂದರೆ ಜಮಾಲ್-ಉದ್-ದಿನ್ ಹಂಸಿ, ಬುರ್ಹಾನ್-ಉದ್-ದಿನ್, ಕುತಬ್-ಉದ್-ದಿನ್ ಮನುವಾರ್ ಮತ್ತು ನೂರ್-ಉದ್-ದಿನ್.
ಇನ್ನೂ ಹಲವಾರು ಮುಸ್ಲಿಂ ಖ್ಯಾತನಾಮರಾದ ಮಿರ್ ಆಲಂ, ಬೇಗಮ್ ಸ್ಕಿನ್ನರ್ ಮತ್ತು ಹಂಸಿಯ ಸುಲ್ತಾನ ಹಮಿದ್-ಉದ್-ದಿನ್ನ ವಕ್ತಾರನಾಗಿದ್ದ ಮಿರ್ ತಿಜರಾಹ್ ಮುಂತಾದವರ ಗೋರಿಗಳೂ ಈ ದರ್ಗಾದಲ್ಲಿವೆ.
ಮೊದಲು ಈ ಗೋರಿಗಳು ಸಣ್ಣ ಮಸೀದಿಯಲ್ಲಿದ್ದವು. ನಂತರ ಫಿರೋಜ್ ಷಾ ತುಘಲಕ್ ದರ್ಗಾದ ಉತ್ತರ ಭಾಗದಲ್ಲಿ ದೊಡ್ಡ ಮಸೀದಿಯನ್ನು ಕಟ್ಟಿಸಿ ಈ ಗೋರಿಗಳನ್ನು ಸ್ಥಳಾಂತರಿಸಿದ. ಇದೇ ಸ್ಥಳದಲ್ಲಿ ಪ್ರಾರ್ಥನೆ ಮತ್ತು ಧ್ಯಾನ ಮಾಡುತ್ತಿದ್ದ ಖ್ಯಾತ ಸೂಫಿ ಸಂತ ಬಾಬಾ ಫರೀದ್ ನೆನಪಿನಲ್ಲಿ ಈ ಸ್ಮಾರಕವನ್ನು ನಿರ್ಮಿಸಲಾಯಿತು.