ಬಹುಶಹ ಶಿವನಿಗೆ(ಪ್ರಸನ್ನ ವಿರೂಪಾಕ್ಷ) ಅರ್ಪಿತವಾದ ಈ ದೇವಾಲಯವನ್ನು ಇಲ್ಲಿಗೆ ಬರುವ ಯಾವೋಬ್ಬ ಪ್ರವಾಸಿಗರು ತಪ್ಪಿಸಿಕೊಳ್ಳಲಾರರು. ಈ ದೇವಾಲಯವನ್ನು ಭೂಮಿಯ ಕೆಳಗಡೆ ಕಟ್ಟಲಾಗಿದ್ದು, ಇದರ ಮುಖ್ಯ ಭಾಗಗಳು ಸುಮಾರು ಕಾಲ ಯಾವಾಗಲೂ ನೀರಿನಲ್ಲೇ ಇರುತ್ತವೆ. ಇದರ ಒಳಭಾಗಕ್ಕೆ ಪ್ರವೇಶವನ್ನು ನಿಷೇಧಿಸಲಾಗಿದ್ದು, ಕೆಲವು ಭಾಗಗಳಿಗೆ, ಒಣಗಿದ ಕಾಲುವೆಯ ಮುಖಾಂತರ ಹೋಗಿ ಭೇಟಿ ನೀಡಬಹುದಾಗಿದೆ. ಹಂಪಿಯಲ್ಲಿರುವ ಪ್ರಾಚೀನ ದೇವಾಲಗಳಲ್ಲಿ ಈ ಭೂಗತ ದೇವಾಲಯವು ಕೂಡ ಒಂದಾಗಿದ್ದು, ಜನಪ್ರೀಯ ಆಕರ್ಷಣೆಗಳಲ್ಲಿ ಒಂದಾಗಿದೆ. ಈ ಸ್ಥಳವು ಮುಖ್ಯ ರಸ್ತೆಯಲ್ಲಿರುವ ನೋಬಲಮೆನ್ ಕ್ವಾರ್ಟರ್ಸನ ಹತ್ತಿರದಲ್ಲಿದ್ದು ಹಂಪಿಯ ಬಸ ನಿಲ್ದಾಣಕ್ಕೆ ಸನಿಹವಾಗಿದೆ. ಪ್ರವಾಸಿಗರು, ಆವರಣದ ಮುಂಭಾಗದಲ್ಲಿರುವ ಮುಖ್ಯ ಗೋಪುರದ ಮುಖಾಂತರ ಇಲ್ಲಿ ಪ್ರವೇಶಿಸಬಹುದಾಗಿದೆ. ಈ ಸ್ಥಳದಲ್ಲಿರುವ ಎತ್ತರದ ಮೆಟ್ಟಿಲುಗಳ ಮುಖಾಂತರ, ದೇವಾಲಯಕ್ಕೆ ಪ್ರವೇಶಿಸಬಹುದಾಗಿದೆ. ದೇಗುಲದ ಎದುರುಗಡೆ ಮುಖ್ಯ ಕೊಠಡಿಯಿದ್ದು ಅದರ ಛಾವಣಿಯು ಚೌಕಾಕಾರವಾಗಿ ಖಂಬಗಳ ಮೇಲೆ ಆಧಾರಿತವಾಗಿದೆ. ಆಯಾಕಾಲಕ್ಕನುಸಾರವಾಗಿ, ಅಲ್ಲಿರುವ ನೀರಿನ ಪ್ರಮಾಣಕ್ಕನುಗುಣವಾಗಿ ಪ್ರವಾಸಿಗರು ಇದನ್ನು ನೋಡಬಹುದಾಗಿದೆ. ಗುಡಿಯ ಸುತ್ತಲೂ ಸುಂದರವಾದ ಹುಲ್ಲಿನ ಹಾಸಿಗೆಯನ್ನು ಕಾಣಬಹುದು.