ಹಪುರ್ ಎಂಬ ಐತಿಹಾಸಿಕ ಹಿನ್ನಲೆಯ ಪಟ್ಟಣವು ಘಜಿಯಾಬಾದ್ ಜಿಲ್ಲೆಯಲ್ಲಿನ ಅತ್ಯಂತ ದೊಡ್ಡ ತಾಲ್ಲೂಕಾಗಿದೆ. ಇದು ದೆಹಲಿಯಿಂದ 60 ಕಿ.ಮೀ ಮತ್ತು ಜಿಲ್ಲಾ ಕೇಂದ್ರದಿಂದ 34 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಹಪುರ್ ಎಂಬುದು ರಾಷ್ಟ್ರೀಯ ರಾಜಧಾನಿ ಪ್ರಾಂತ್ಯದ ಒಂದು ಭಾಗವಾಗಿದೆ.
ನಂಬಿಕೆಗಳ ಪ್ರಕಾರ ಈ ನಗರವನ್ನು ಕ್ರಿ.ಶ.940ರಲ್ಲಿ ಮೀರತನ್ನು ಆಳುತ್ತಿದ್ದ ಬುಲಂದ್ಶಾ ಬಳಿ ಸಾಮಂತನಾಗಿದ್ದ ಹರ್ ದತ್ತನು ನಿರ್ಮಿಸಿದನು ಎಂದು ತಿಳಿದು ಬಂದಿದೆ. ಈ ಪಟ್ಟಣಕ್ಕೆ ಈತನ ಹೆಸರನ್ನೆ ಇಡಲಾಗಿದೆ. ಇನ್ನೊಂದು ಹೇಳಿಕೆಯ ಪ್ರಕಾರ " ಹಪರ್" ಎಂದರೆ ಉದ್ಯಾನವನ ಎಂದರ್ಥ. ಹಾಗಾಗಿ ಈ ಊರಿಗೆ ಈ ಹೆಸರು ಬಂದಿತು ಎಂದು ಹೇಳಲಾಗುತ್ತದೆ.
ಹಪುರ್ ಇಲ್ಲಿ ತಯಾರಾಗುವ ಹಪ್ಪಳಗಳಿಂದಾಗಿ ಭಾರೀ ಖ್ಯಾತಿಯನ್ನು ಪಡೆದಿದೆ. ಹಿಂದಿನ ಕಾಲದಲ್ಲಿ ಈ ಪಟ್ಟಣಕ್ಕೆ ದೆಹಲಿ ದ್ವಾರ, ಮೀರತ್ ದ್ವಾರ, ಘಡ್ಮುಕ್ತೇಶ್ವರ್ ದ್ವಾರ, ಕೋಠಿ ಮತ್ತು ಸಿಕಂದರ ದ್ವಾರಗಳ ಮೂಲಕ ಪ್ರವೇಶಿಸಬಹುದಿತ್ತು. ಆದರೆ ಕಾಲದ ಹೊಡೆತಕ್ಕೆ ಸಿಲುಕಿ ಈ ದ್ವಾರಗಳು ಇಂದು ಕಣ್ಮರೆಯಾಗಿವೆ. 1670 ರಲ್ಲಿ ಮೊಘಲ್ ದೊರೆ ಔರಂಗಜೇಬನಿಂದ ನಿರ್ಮಾಣಗೊಂಡ ಜಾಮ ಮಸೀದಿಯನ್ನು ನೋಡಬಹುದು. ಚಂಡಿ ಮಂದಿರ್, ಸಬ್ಲಿ ಶಿವ ಮಂದಿರ್ ಮತ್ತು ದುದೇಶ್ವರ್ ನಾಥ್ ಮಂದಿರ್ ಎಂಬ ಹಿಂದೂ ದೇವಾಲಯಗಳನ್ನು ನಾವಿಲ್ಲಿ ಕಾಣಬಹುದು.