ಅನುಪ್ ತಾಲಾವ್ ಅಕ್ಬರನ ಖಾಸಗಿ ಕೊಠಡಿಗಳ ಮುಂದೆ ನಿರ್ಮಿಸಿದ ಭವ್ಯವಾದ ಒಂದು ನೀರಿನ ಕೊಳ. ಇದು ಕವಾಭಾಗ್ ಕಾಂಪ್ಲೆಕ್ಸ್ ಎದುರಿನಲ್ಲಿದೆ ಮತ್ತು ಈ ಕೊಳವು ಆ ಕಾಲದಲ್ಲಿ ಹೆಚ್ಚು ಮನ ಸೆಳೆಯುವ ಕೊಳವೆಂದೆ ಹೇಳಬಹುದು. ಇದರ ಕೆಂಪು ಮರಳು ಕಲ್ಲಿನಿಂದ ಮಾಡಲಾದ ಈ ರಚನೆಯು ಸುಂದರವಾಗಿದೆ ಮತ್ತು ಇಲ್ಲಿನ ನೋಟ ಅದ್ಬುತವಾಗಿದೆ. ಇದರ ಸುತ್ತ ಕುಳಿತುಕೊಳ್ಳಲು ಸಾಕಷ್ಟು ಸ್ಥಳಗಳಿವೆ. ಈ ರಚನೆಯು 4 ಬದಿಗಳಲ್ಲಿ ಸಣ್ಣ ಸೇತುವೆಯನ್ನು ಹೊಂದಿದೆ. ಹಿಂದಿನ ಕಾಲದಲ್ಲಿ ಇದು ಮುಖ್ಯ ನೀರಿನ ವ್ಯವಸ್ಥೆಗೆ ತಾಜಾ, ಸಾಮಾನ್ಯ ನೀರಿನ ಹರಿವನ್ನು ಖಚಿತಪಡಿಸಿಕೊಳ್ಳಲು ಸಂಪರ್ಕಿಸಲಾಗಿತ್ತು.
ಹಳೆಯ ಅಧಾರಗಳಲ್ಲಿ ಮತ್ತು ಪುಸ್ತಕಗಳಲ್ಲಿ ಈ ಕೊಳ ಬೆಳ್ಳಿ ಮತ್ತು ಬಂಗಾರದ ನಾಣ್ಯಗಳಿಂದ ಕೂಡಿತ್ತು ಮತ್ತು ಸೂರ್ಯನ ಕಿರಣಗಳಿಗೆ ಇದು ಸುಂದರವಾಗಿ ಹೊಳೆಯುತ್ತಿತ್ತು ಎನ್ನಲಾಗಿದೆ. ನಂತರ ಈ ನಾಣ್ಯಗಳನ್ನು ಜಹಾಂಗೀರನು ಸೇವಾಶ್ರಮಗಳಿಗೆ ನೀಡಿದನು ಎನ್ನಲಾಗುತ್ತದೆ. ಸಹಾಯಾರ್ಥವಾಗಿ 1 ಕೋಟಿ 3 ಲಕ್ಷ ನಾಣ್ಯಗಳನ್ನು ವಿನಿಯೋಗಿಸಲಾಯಿತೆಂದು ಜಹಾಂಗೀರನು ತನ್ನ ಆತ್ಮಚರಿತ್ರೆಯಲ್ಲಿ ಉಲ್ಲೇಖಿಸಿದ್ದಾನೆ.