ಛತ್ತೀಸಗಡಿನ ಝಲ್ಮಲಾದಲ್ಲಿರುವ ಗಂಗಾ ಮಯ್ಯಾ ದೇವಾಲಯವು ಭಿಲಾಯಿ ಪಟ್ಟಣದಿಂದ 60 ಕಿ.ಮೀ ದೂರದಲ್ಲಿದೆ. ಈ ದೇವಾಲಯದ ಹಿಂದೆ ಒಂದು ಆಸಕ್ತಿಭರಿತ ದಂತಕಥೆಯಿದೆ. ಆ ಕಥೆಯ ಪ್ರಕಾರ, ಒಂದೊಮ್ಮೆ ಇಲ್ಲಿನ ಮೀನುಗಾರನಿಗೆ ಬಲೆಯಲ್ಲಿ ವಿಗ್ರಹ ದೊರಕಿತಂತೆ. ಆದರೆ ಆತನು ನೀರಿನಿಂದ ಅದನ್ನು ಹೊರತೆಗೆಯದೆ ಅಲ್ಲಿಯೆ ಬಿಟ್ಟನಂತೆ.
ಅದಾದ ಕೆಲವು ದಿನಗಳ ನಂತರ ಅದೇ ಗ್ರಾಮದ ಮತ್ತೊಬ್ಬನಿಗೆ ಕನಸೊಂದು ಬಿದ್ದು, ಅದರಲ್ಲಿ ಆ ನೀರಿನಲ್ಲಿದ್ದ ವಿಗ್ರಹವು ಆತನನ್ನು ಕುರಿತು ತನ್ನನ್ನು ನೀರಿನಿಂದ ತೆಗೆದು ಗುಡಿಸಿಲಿನಲ್ಲಿ ಇಡಬೇಕೆಂದು ಹೇಳಿತಂತೆ. ಇದಾದ ನಂತರ ಆ ಮೂರ್ತಿಗೆ ಸಮರ್ಪಿಸಲಾದ ಈ ದೇವಾಲಯವನ್ನು ಭಿಕಮ್ ಚಂದ್ ತಾವ್ರಿ ಎಂಬಾತನು ನಿರ್ಮಿಸಿದನು.