ದಿಮಾಪುರಕ್ಕೆ ರಜೆಯನ್ನು ಕಳೆಯಲು ಹೋಗಿ ಶಾಪ್ಪಿಂಗ್ ಮಾಡದೆ ಬಂದರೆ ನಿಮ್ಮ ಪ್ರವಾಸ ಅರ್ಥ ಪೂರ್ಣವಾಗಿ ಪೂರ್ಣಗೊಳ್ಳುವುದಿಲ್ಲ. ಈ ವಿಚಾರದಲ್ಲಿ ದಿಮಾಪುರ್ ಯಾರೊಬ್ಬರನ್ನು ಸಹ ನಿರಾಸೆಗೊಳಿಸುವುದಿಲ್ಲ. ರುಝಫೆಮವು ಶಾಪ್ಪಿಂಗ್ ಮಾಡುವವರ ಸ್ವರ್ಗ, ಅದರಲ್ಲಿಯೂ ನಾಗಾಗಳ ಸಾಂಪ್ರದಾಯಿಕ ಕುಶಲ ವಸ್ತುಗಳನ್ನು ಕೊಳ್ಳಲು ಬಯಸುವವರ ಪಾಲಿಗೆ ಇದು ಹೇಳಿ ಮಾಡಿಸಿದ ಸ್ಥಳವಾಗಿದೆ. ಕೊಹಿಮಾದಿಂದ 5 ಕಿ.ಮೀ ದೂರದಲ್ಲಿ ದಿಮಾಪುರ್- ಕೊಹಿಮಾ ರಸ್ತೆಯಲ್ಲಿರುವ ರುಝಪೆಮದ ಗಲ್ಲಿ ಗಲ್ಲಿಗಳಲ್ಲಿ ನಿಮ್ಮ ಊಹೆಗು ನಿಲುಕದ ವಸ್ತುಗಳು ಕಂಡು ಬರುತ್ತವೆ.
ಈ ವರ್ಣರಂಜಿತ ಗಲ್ಲಿಗಳು ನಾಗಾ ಸಂಸ್ಕೃತಿಯ ಸೊಗಡನ್ನು ಬಿಂಬಿಸುತ್ತವೆ. ಅಪರೂಪದ ನಾಗಾ ಶಾಲುಗಳು ಮತ್ತು ವಸ್ತ್ರಗಳು ಹಾಗು ಇನ್ನಿತರ ವಸ್ತುಗಳನ್ನು ನೀವು ಈ ಬಜಾರಿನಲ್ಲಿ ಕೊಳ್ಳಬಹುದು. ಕುತೂಹಲಕರ ವಿಚಾರವೇನೆಂದರೆ ಇಲ್ಲಿನ ಬಹಳಷ್ಟು ವಸ್ತುಗಳನ್ನು ಈ ರಾಜ್ಯದ ಗುಡಿ ಮತ್ತು ಕರ ಕುಶಲ ಕೈಗಾರಿಕೆಗಳ ಅಡಿಯಲ್ಲಿ ಮಹಿಳಾ ಉದ್ಯೋಗಿಗಳು ನಿರ್ಮಿಸಿ ನೀಡಿರುತ್ತಾರೆ.
ಈ ವರ್ಣರಂಜಿತ ಬಜಾರುಗಳ ಹೊರತಾಗಿ ರುಝಫೆಮದಲ್ಲಿ ಕಛರಿ ಸಾಮ್ರಾಜ್ಯದ ಅವಶೇಷಗಳು ಕಂಡು ಬರುತ್ತವೆ. ಈ ಅವಶೇಷಗಳು ಶಿಥಿಲಾವಸ್ಥೆಯಲ್ಲಿದ್ದರು ಸಹ ಇತಿಹಾಸವನ್ನು ತಮ್ಮಲ್ಲಿ ಅವಿತಿಟ್ಟು ಕೊಂಡು ನೋಡುಗರಿಗೆ ಅದರ ವೈಭವವನ್ನು ಸಾರಿ ಹೇಳುತ್ತಿವೆ. ರುಝಫೆಮವು ಡಿಮಪುರಕ್ಕೆ ಹತ್ತಿರವಿರುವುದರಿಂದ ಈ ಶಾಪ್ಪಿಂಗ್ ತಾಣಕ್ಕೆ ತಲುಪಲು ಬಹಳ ಸಮಯ ತೆಗೆದುಕೊಳ್ಳುವುದಿಲ್ಲ.