ಮಾರ್ಗೇರಿಟಾ ತಿನ್ಸುಕಿಯಾ ಜಿಲ್ಲೆಯಲ್ಲಿರುವ ಒಂದು ಸಣ್ಣ ಪಟ್ಟಣ. ಇದನ್ನು ಅಸ್ಸಾಂನ ಕಲ್ಲಿದ್ದಲ ರಾಣಿ ಎಂದು ಕರೆಯುತ್ತಾರೆ. ಈ ಉಪ ವಿಭಾಗೀಯ ಜಿಲ್ಲಾ ಕೇಂದ್ರವು ಕಲ್ಲಿದ್ದಲ ಗಣಿಗಳು ಮತ್ತು ಟೀ ಉದ್ಯಾನಗಳಿಂದ ಸುತ್ತುವರೆದಿದೆ. ಇದರ ಹೆಸರಿನ ಹಿಂದೆ ಒಂದು ಆಸಕ್ತಿದಾಯಕ ಇತಿಹಾಸವಿದೆ. ಅಸ್ಸಾಂ ರೈಲ್ವೇ ಮತ್ತು ಟ್ರೇಡಿಂಗ್ ಕಂಪೆನಿಯು ದೇಶದ ಈ ಭಾಗಕ್ಕೆ ರೈಲು ಸಂಪರ್ಕ ಒದಗಿಸಲು ಇಟಾಲಿಯನ್ ಇಂಜಿನಿಯರ್ ರೊಬೊರ್ಟೋ ಪಗನಿನಿಯನ್ನು ಈ ಕೆಲಸಕ್ಕಾಗಿ ನೇಮಿಸಿತು. ಈತ ಇಲ್ಲಿನ ಕಲ್ಲಿದ್ದಲು ತುಂಬಿದ ಪ್ರದೇಶಗಳಿಗೆ ರೈಲ್ವೇ ಓಡಾಟಕ್ಕಾಗಿ ಸೇತುವೆಗಳನ್ನು ರೂಪಿಸಿದ. ಈತನಿಗೆ ಗೌರವ ಸೂಚಿಸುವ ಸಲುವಾಗಿ ಈ ಸ್ಥಳಕ್ಕೆ ಇಟಾಲಿಯನ್ ರಾಣಿ ಮಾರ್ಗೇರಿಟಾಳ ಹೆಸರನ್ನು ಇಡಲಾಯಿತು.
ಮಾರ್ಗೇರಿಟಾ ಪ್ರದೇಶವು ಪಟಕೈ ಶ್ರೇಣಿಗಳು ಮತ್ತು ಬುರ್ಹಿದೆಹಿಂಗ್ ನದಿಯಿಂದ ಸುತ್ತುವರೆದಿದ್ದು ಹಲವು ಪ್ರವಾಸಿ ಸ್ಥಳಗಳನ್ನು ಹೊಂದಿದೆ. ಮಾರ್ಗೆರಿಟಾ ಗಾಲ್ಫ್ಕೋರ್ಸ್ ಇಲ್ಲಿ ಪ್ರಮುಖ ಆಕರ್ಷಣೆ. ಇಲ್ಲಿನ ಟೀ ಉದ್ಯಾನಗಳು ಕೂಡ ಭೇಟಿ ನೀಡಬೇಕಾದ ಸ್ಥಳಗಳು. ಈ ನಗರವು ಪ್ಲೇವುಡ್ ಪದಾರ್ಥಗಳನ್ನು ಕೂಡ ಗಣನೀಯ ಮಟ್ಟದಲ್ಲಿ ತಯಾರಿಸುತ್ತದೆ.