ಶಿವಗಂಗಾ ಪುಟ್ಟ ಕೊಳ. ಇದರ ನೀರನ್ನು ಪವಿತ್ರವಾದದ್ದು ಎಂದು ಭಾವಿಸಲಾಗುತ್ತದೆ. ಇಲ್ಲಿ ಸ್ನಾನ ಮಾಡುವುದರಿಂದ ರೋಗಗಳು ಪರಿಹಾರವಾಗುತ್ತವೆ ಎಂದು ನಂಬಲಾಗುತ್ತದೆ. ಬೈದ್ಯನಾಥ ದೇವಾಲಯದಿಂದ ಇದು 200 ಮೀಟರ್ ದೂರದಲ್ಲಿದೆ. ಭಕ್ತಾದಿಗಳು ದೇವಾಲಯಕ್ಕೆ ಭೇಟಿ ನೀಡುವುದಕ್ಕೂ ಮುನ್ನ ಈ ನೀರಿನಲ್ಲಿ ಸ್ನಾನ ಮಾಡುತ್ತಾರೆ. ಇದರ ಸಮೀಪ ಕೂಡ ಪುಟ್ಟ ಶಿವನ ದೇಗುಲವಿದೆ.

ಹಿಂದೂ ಪುರಾಣಗಳ ಪ್ರಕಾರ ರಾವಣನು ತನ್ನ ಮುಷ್ಟಿಯಿಂದ ಭೂಮಿಯನ್ನು ಗುದ್ದಿ ಈ ಕೊಳವನ್ನು ನಿರ್ಮಿಸಿದನು. ಲಂಕೆಗೆ ಲಿಂಗವನ್ನು ಕೊಂಡೊಯ್ಯುವ ಹಾದಿಯಲ್ಲಿ ಮೂತ್ರವಿಸರ್ಜನೆಯ ನಂತರ ಕೈತೊಳೆಯಲು ಈ ಕೊಳವನ್ನು ನಿರ್ಮಿಸಿದನಂತೆ.