ಗ್ಲೋಬ್ ರೈಡಿಂಗ್ ಅಂತಲೂ ಕರೆಯಲಾಗುವ ಜಾರ್ಬಿಂಗ್ ಡಾಲ್ಹೌಸಿಯ ಉದಯಿಸುತ್ತಿರುವ ಜನಪ್ರಿಯ ಕ್ರೀಡೆಯಾಗಿದೆ. ಈ ಕ್ರೀಡೆಯಲ್ಲಿ ಒಬ್ಬ ಇಲ್ಲವೆ ಇಬ್ಬರು ವ್ಯಕ್ತಿಗಳು ಪಾರದರ್ಶಕ ಪ್ಲಾಸ್ಟಿಕಿನಲ್ಲಿ ಮಾಡಲಾದ ಚೆಂಡಿನಾಕಾರದ ವಸ್ತುವಿನಲ್ಲಿ ಸೇರಿಕೊಂಡು ಇಳಿಜಾರಿನಲ್ಲಿ ಚೆಂಡು ಉರುಳುವ ಹಾಗೆ ಉರುಳುತ್ತಾ ಹೋಗುವುದು. ಈ ಸ್ಥಳವು ಕೊಂಚ ತಗ್ಗಾದ ಪ್ರದೇಶದಲ್ಲಿದ್ದು, ಆದರೆ ನೆಲ ಸಮತಟ್ಟಾಗಿದೆ. ಅಲ್ಲಲ್ಲಿ ತಗ್ಗು, ಅಲ್ಲಲ್ಲಿ ಸಮತಟ್ಟಾಗಿರುವುದರಿಂದಲೇ ಇಲ್ಲಿ ಕ್ರೀಡೆಗೆ ಅವಕಾಶ ಒದಗಿ ಬಂದಿದೆ. ಈ ಕ್ರೀಡೆಗೆ 200 ರೂ.ನಿಂದ 300 ರೂ. ಖರ್ಚಾಗುತ್ತದೆ. ಇದು ಒಂದು ಸುತ್ತು ಜಾರ್ಬಿಂಗ್ ಹೋಗಿ ಬರಲು ತಗಲುವ ವೆಚ್ಚ. ಈ ಕ್ರೀಡೆಯನ್ನು ಅನುಭವಿಸಲು ಬೇಸಿಗೆ ಕಾಲ ಅತ್ಯುತ್ತಮ ಎನ್ನಲಾಗುತ್ತದೆ.