ಈ ಮಾರ್ಗವು ಆಂಗ್ಲ ಭಾಷೆಯ 8 ರ ಅಂಕಿಯ ಮಾದರಿಯಲ್ಲಿರುವ ರಸ್ತೆ. ರಸ್ತೆಯ ಇಕ್ಕೆಲದಲ್ಲೂ ಸಾಲಾಗಿ ಪೈನ್, ಓಕ್ ಹಾಗೂ ದೇವದಾರು ಮರವನ್ನು ನೆಡಲಾಗಿದೆ. ಎತ್ತರವಾಗಿ ಬೆಳೆದಿರುವ ಇವುಗಳಿಂದಾಗಿ ರಸ್ತೆಗೆ ಬಿಸಿಲು ತಲುಪುವುದೇ ಅಪರೂಪ. ಹೀಗಾಗಿ ಇದು ತಂಪಾಗಿರುತ್ತದೆ. ಥಂಡಿ ಅಂದರೆ ತಂಪು, ಸಡಕ್ ಅಂದರೆ ರಸ್ತೆ. ಹೀಗಾಗಿ ಈ ಮಾರ್ಗಕ್ಕೆ ಥಂಡಿ ಸಡಕ್ ಅಂತ ಹೆಸರು ಬಂದಿದೆ.
ಡಾಲ್ಹೌಸಿಯ ಪ್ರಥಮ ಪ್ರವಾಸಿ ತಾಣ ಎಂಬ ಹೆಗ್ಗಳಿಕೆ ಈ ಮಾರ್ಗಕ್ಕಿದೆ. ಆರಾಮವಾಗಿ ನಡೆದಾಡಲು ಇದು ಸೂಕ್ತ ಸ್ಥಳ. ಈ ಮಾರ್ಗದ ಸಮೀಪದಲ್ಲಿಯೇ ಅಂದರೆ ಅಕ್ಕಪಕ್ಕ ಇರುವ ಅದ್ಭುತ ಬೆಟ್ಟಗಳ ರಮಣೀಯ ನೋಟ ಸವಿಯಲು ಇದು ಸೂಕ್ತ ತಾಣ.