ಸೇಂಟ್ ಪ್ಯಾಟ್ರಿಕ್ಸ್ ಚರ್ಚ್ 1909 ರಲ್ಲಿ ನಿರ್ಮಾಣಗೊಂಡಿದೆ. ಇದು ಬಲೂನ್ ಫಾಲ್ಸ್ ಸಮೀಪ ಇದೆ. ಈ ಪ್ರದೇಶವು ಡಾಲ್ಹೌಸಿಯ ಕಂಟೋನ್ಮೆಂಟ್ ಪ್ರದೇಶ ವ್ಯಾಪ್ತಿಯಲ್ಲಿದೆ. ಇದರ ಮುಖ್ಯ ಸಭಾಂಗಣವು 300 ಮಂದಿ ಏಕಕಾಲಕ್ಕೆ ಕೂರುವ ಸಾಮರ್ಥ್ಯ ಹೊಂದಿದೆ. ಈ ಪ್ರದೇಶದ ಅತಿ ದೊಡ್ಡ ಚರ್ಚ್ ಎಂಬ ಹೆಗ್ಗಳಿಕೆಯನ್ನೂ ಇದು ಹೊಂದಿದೆ. ಜಲಂದರ್ನ ಕ್ಯಾಥೋಲಿಕ್ ಪಂಥೀಯರು ಈ ಚರ್ಚ್ ನಿರ್ವಹಣೆ ಹಾಗೂ ವ್ಯವಸ್ಥಾಪನೆಯ ಹೊಣೆ ಹೊತ್ತಿದ್ದಾರೆ. ಪ್ರತಿ ಭಾನುವಾರ ಇಲ್ಲಿ ಅಪಾರ ಸಂಖ್ಯೆಯ ಭಕ್ತರು ಹಾಗೂ ಪ್ರವಾಸಿಗರು ಭೇಟಿ ನೀಡುತ್ತಾರೆ. ಡಾಲ್ಹೌಸಿಯಿಂದ ಎರಡು ಕಿ.ಮೀ. ದೂರದಲ್ಲಿರುವ ಈ ಚರ್ಚ್ ಗೆ ಪ್ರವಾಸಿಗರು ಆರಾಮವಾಗಿ ಬಸ್ ಮೂಲಕ ತಲುಪಬಹುದು.