ಕಟಕ್ ನಗರದಲ್ಲಿರುವ ಈ ಬಾರಾಬತಿ ಸ್ಟೇಡಿಯಂ ಒರಿಸ್ಸಾದ ಕ್ರಿಕೆಟ್ ತಂಡದ ಆಟಗಾರರಿಗೆ ನಿತ್ಯ ಅಭ್ಯಾಸದ ತಾಣವಾಗಿದೆ. ಇದನ್ನು ಒರಿಸ್ಸಾ ಕ್ರಿಕೆಟ್ ಅಸೋಸಿಯೇಷನ್ ನಿರ್ವಹಿಸಿಕೊಂಡು ಬರುತ್ತಿದೆ. ಭಾರತದ ಹಳೆಯ ಸ್ಟೇಡಿಯಂಗಳ ಪೈಕಿ ಇದೂ ಒಂದಾಗಿದೆ.

ಪ್ರವಾಸಿ ತಂಡಗಳಾದ ವೆಸ್ಟ್ ಇಂಡೀಸ್, ಆಸ್ಟ್ರೇಲಿಯಾ ಮುಂತಾದ ತಂಡಗಳ ಕ್ರಿಕೆಟ್ ಆಟವನ್ನು ಈ ಸ್ಟೇಡಿಯಂ ಕಂಡಿದೆ. ರಾತ್ರಿವೇಳೆ ಕೂಡ ಹೊನಲು ಬೆಳಕಿನಲ್ಲಿ ಆಟವಾಡಲು ಇಲ್ಲಿ ವ್ಯವಸ್ಥೆ ಮಾಡಲಾಗಿದೆ. ಇಲ್ಲಿ ಹಲವಾರು ಟೆಸ್ಟ್ ಪಂದ್ಯಗಳನ್ನು ಆಡಲಾಗಿದ್ದರೂ, ಹೆಚ್ಚಾಗಿ ಏಕದಿವಸೀಯ ಪಂದ್ಯಗಳಿಗೆ ಮೀಸಲಿಡಲಾಗಿದೆ. ಹಲವಾರು ಫುಟ್ ಬಾಲ್ ಪಂದ್ಯಾವಳಿಗಳಿಗೆ ಕೂಡ ಈ ಸ್ಟೇಡಿಯಂ ಸಾಕ್ಷಿಯಾಗಿದೆ.

ಭಾರತೀಯ ಕ್ರಿಕೆಟ್ ಕ್ಷೇತ್ರದ ಸುಪ್ರಸಿದ್ಧ ಆಟಗಾರರಾದ ಕಪಿಲ್ ದೇವ್ ತನ್ನ 300ನೇ ವಿಕೆಟನ್ನು ಪಡೆದುಕೊಂಡಿದ್ದು ಇದೇ ಸ್ಟೇಡಿಯಂನಲ್ಲಿ. ಅವರು ಶ್ರೀಲಂಕಾ ತಂಡ ರತ್ನಾಯಕೆಯ ವಿಕೆಟ್ ಉರುಳಿಸಿದ್ದರು. ಈ ಸ್ಟೇಡಿಯಂನ ಮತ್ತೊಂದು ವಿಶೇಷ ಅಂಶವೆಂದರೆ, ದಿಲೀಪ್ ವೆಂಗಸರ್ಕಾರ್ ಅವರು ಟೆಸ್ಟ್ ಜೀವನದ ಅತಿಹೆಚ್ಚು 166 ರನ್ ಗಳನ್ನು ಶ್ರೀಲಂಕಾದ ವಿರುದ್ಧ ಗಳಿಸಿದ್ದು ಇಲ್ಲಿಯೆ.