ಕ್ಯಾಂಪ್ ಕ್ಯಾರಿಯು ಕುಮಾವ್ ಪರ್ವತದ ತಪ್ಪಲಿನಲ್ಲಿರುವ ಕ್ಯಾರಿ ಎಂಬ ಗ್ರಾಮದಲ್ಲಿ ನೆಲೆಗೊಂಡಿದೆ. ಈ ಜೈವಿಕ ಪ್ರವಾಸಿ ಶಿಬಿರದಲ್ಲಿ ಪ್ರವಾಸಿಗರು ಹಿಮಾಲಯ ಪ್ರಾಂತ್ಯದ ಅನುಪಮವಾದ ಹಳ್ಳಿ ಜೀವನದ ಅನುಭವವನ್ನು ಪಡೆಯಬಹುದು. ಈ ಶಿಬಿರವು ಸಮುದ್ರ ಮಟ್ಟದಿಂದ 2800 ಮೀಟರ್ ಎತ್ತರದಲ್ಲಿ ನೆಲೆಗೊಂಡಿದ್ದು, ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನವನದ ಪಕ್ಷಿ ನೋಟವನ್ನು ಒದಗಿಸುತ್ತದೆ.

ಈ ಶಿಬಿರವು ಬೆಟ್ಟದ ಇಳಿಜಾರಿನಲ್ಲಿ ಹರಿಯುವ ಬೌರ್ ಎಂಬ ಝರಿಯ ಪಕ್ಕದಲ್ಲಿರುವ ಒಂದು ಸಾವಯವ ತೋಟದಲ್ಲಿ ನೆಲೆಗೊಂಡಿದೆ. ಈ ತೋಟದಲ್ಲಿ ಮಣ್ಣಿನ ಗುಡಿಸಲುಗಳು, ಚಿತ್ತಾಕರ್ಷಕ ನೆಲಹಾಸುಗಳು ಮತ್ತು ಸ್ಲೀಪಿಂಗ್ ಬ್ಯಾಗ್‍ಗಳು ಇವೆ. ತೂಗು ಮಂಚಗಳು, ಉಯ್ಯಾಲೆಗಳು, ಕಟ್ಟಿಗೆ ಮತ್ತು ಶಿಬಿರಾಗ್ನಿಗೆ ಬೇಕಾಗುವ ವಸ್ತುಗಳು ಇಲ್ಲಿ ದೊರೆಯುತ್ತವೆ. ಈ ಶಿಬಿರದಲ್ಲಿ ಶಕ್ತಿಯ ಅಪವ್ಯಯವನ್ನು ತಡೆಯುವ ಸಲುವಾಗಿ ಸೌರಶಕ್ತಿ ಚಾಲಿತ ಲಾಂಧ್ರಗಳನ್ನು ಬಳಸಲಾಗುತ್ತದೆ.