ಕೂಚ್ ಬೆಹರ್ ಗೆ ಅತೀ ಸಮೀಪದಲ್ಲಿರುವ, ಪ್ರಮುಖವಾದ ಉತ್ಖನನ ತಾಣವು ಗೋಸಾನಿಮರಿ ರಾಜ್ಪತ್ ಆಗಿರುತ್ತದೆ. ಇತಿಹಾಸ ತಜ್ಞರು ಈ ಜಾಗೆಯಲ್ಲಿ ಹಲವು ವರ್ಷಗಳಿಂದ ಕಾರ್ಯನಿರತರಾಗಿದ್ದು, ಬೌಧ್ಧ ಧರ್ಮದ ಪ್ರಭಾವವುಳ್ಳ, ಪ್ರಾಚೀನ ನಾಗರೀಕತೆಯ ಅಸ್ತಿತ್ವವನ್ನು ಸಾಬೀತು ಪಡಿಸುವ ಹಲವಾರು ಮಹತ್ತರವಾದ ಸಾಕ್ಷ್ಯಗಳನ್ನು ಕಲೆ ಹಾಕಿದ್ದಾರೆ.
ಅನೇಕ ವಿಧವಾದ ಶಿಲಾ ಕೆತ್ತನೆಗಳು ಮತ್ತು ನೀರಿನ ಸರಬರಾಜಿನ ವ್ಯವಸ್ಥೆಗಳು, ಬಾವಿಗಳಂತಹ ಯೋಜನಾಬದ್ಧ, ಸಂಕೀರ್ಣ ರಚನೆಗಳನ್ನೂ ಸಹ ಇಲ್ಲಿ ಸಂಶೋಧಿಸಲಾಗಿದೆ. ಈ ಸ್ಥಳವು ನಿಜಕ್ಕೂ ಯೋಜನಾಬದ್ಧ ರೀತಿಯಲ್ಲಿ ವ್ಯವಸ್ಥೆಗೊಳಿಸಲ್ಪಟ್ಟಿದ್ದು, ರಜ್ಪತ್ ಮೂಲಕ ಹಾದು ಹೋಗುವುದು, ಮಧ್ಯಾನ್ಹದ ವೇಳೆಯನ್ನು ಕಳೆಯಲು ಅತ್ಯುತ್ತಮ ಮಾರ್ಗವಾಗಿದೆ.