ಬನೇಶ್ವರ ದೇವಸ್ಥಾನವು ಕೂಚ್ ಬೆಹರ್ ದಿಂದ 10 ಕಿ. ಮೀ. ದೂರದಲ್ಲಿದೆ. ಇದು ಒಂದು ರೀತಿಯಲ್ಲಿ ವಿಚಿತ್ರವಾದ ಎರಡು ವಿಷಯಗಳಿಗೆ ಪ್ರಸಿದ್ಧವಾಗಿದೆ. ದೇವಸ್ಥಾನದ ಸುಮಾರು 10 ಅಡಿಗಳಷ್ಟು ಕೆಳಗೆ ಶಿವಲಿಂಗವೊಂದಿದ್ದು, ಇದನ್ನು ಪೂಜಿಸಲು ಜನರು ದೇಶದ ಮೂಲೆ ಮೂಲೆಗಳಿಂದ ಆಗಮಿಸುತ್ತಾರೆ.
ಈ ದೇವಸ್ಥಾನಕ್ಕೆ ಸೇರಿದಂತೆ ಕೊಳವೊಂದು ಸನಿಹದಲ್ಲಿಯೇ ಇದ್ದು ಇದರಲ್ಲಿ ಅತೀ ದೊಡ್ಡ ಸಂಖ್ಯೆಯಲ್ಲಿ ಆಮೆಗಳಿದ್ದು, ಅವುಗಳು ಕೂಡ ಆಚರಣಾ ವಿಧಿಗಳ ಒಂದು ಭಾಗವಾಗಿ ಪೂಜಿಸಲ್ಪಡುತ್ತವೆ. ಈ ದೇವಸ್ಥಾನದಲ್ಲಿ ಎರಡು ಪ್ರತ್ಯೇಕ ಗುಡಿಗಳಿದ್ದು ಅವೆರಡರಲ್ಲಿಯೂ ಪ್ರತ್ಯೇಕ ಮೂರ್ತಿಗಳಿದ್ದು, ಅವುಗಳು ವರ್ಷದ ಕಾಲಾವಧಿಗೆ ಅನುಗುಣವಾಗಿ ಹಿಂದೆ ಅಥವಾ ಮುಂದೆ, ತಮ್ಮ ಮೂಲಸ್ಥಾನದಿಂದ ಪಲ್ಲಟಕ್ಕೆ ಒಳಗಾಗುತ್ತವೆ. ಆದ್ದರಿಂದಲೇ, ಈ ದೇವಸ್ಥಾನಕ್ಕೆ ಚಲಿಸಲ್ಪಡುವ ಬನೇಶ್ವರ ಎಂಬ ಹೆಸರೂ ಕೂಡ ಇದೆ.